Mamas and the papas (1991-92)

Mamas and the papas var hljómsveit foreldra barna við grunnskólann á Norðfirði, hún var starfandi veturinn 1991-92 og kom þá fram á nokkrum skemmtunum. Engar upplýsingar finnast um meðlimi sveitarinnar en eftir mynd af henni að dæma var hún nokkuð fjölmenn og skipuð foreldrum af báðum kynjum. Óskað er því frekari upplýsinga um Mamas and…

Vírus [1] (1979)

Upplýsingar óskast um ballsveitina Vírus sem starfaði á Austfjörðum, að öllum líkindum á Norðfirði fyrri hluta árs 1979. Hljómsveitin Kvöldverður á Nesi var stofnuð upp úr þessari sveit vorið 1979.

Bumburnar (1982-88)

Hljómsveitin Bumburnar var danshljómsveit, starfandi á Norðfirði um árabil á níunda áratug síðustu aldar. Sveitin var stofnuð 1982 upp úr leifum Amon Ra og lék á dansleikjum víða um Austfirði en mest þó í heimabyggð, Bumburnar voru t.a.m. fastagestir á þorrablótum og árshátíðum eystra. Í upphafi gekk sveitin undir nafninu Jón og Bumburnar, og voru…

Boogie [2] (1993)

Vorið 1993 keppti hljómsveitin Boogie frá Norðfirði í Músíktilraunum Tónabæjar. Engar upplýsingar er hins vegar að finna um meðlimi sveitarinnar eða tilurð hennar almennt og er því hér með auglýst eftir þeim.

Bjony (1986)

Allar upplýsingar um hljómsveitina Bjony væru vel þegnar en sveitin var skipuð unglingum og var starfandi á Norðfirði árið 1986. Bjony sigraði hljómsveitakeppni sem haldin var á Eskifirði í tilefni af 200 ára afmælis bæjarins.

Berlínarbollurnar (1983)

Hljómsveitin Berlínarbollurnar starfaði á Norðfirði í fáeinar vikur sumarið 1983. Það var gítarleikarinn Eðvarð Lárusson sem stofnaði sveitina vorið 1983 en hann hafði farið austur til að starfa þá um sumarið, með honum í sveitinni voru Þröstur Rafnsson gítarleikari og Pjetur Hallgrímsson trommuleikari. Engar upplýsingar er að finna um aðra meðlimi Berlínarbollanna eða hvort þeir…

Ósíris (1975-76)

Hljómsveitin Ósíris frá Norðfirði var í raun hljómsveitin Amon Ra sem þar starfaði um áratugar skeið á áttunda áratug síðustu aldar, en gekk undir Ósíris nafninu veturinn 1975-76. Meðlimir þessarar útgáfu Amon Ra voru Smári Geirsson söngvari, Jón Skuggi Steinþórsson bassaleikari, Guðjón Steingrímsson gítarleikari, Ágúst Ármann Þorláksson hljómborðsleikari og Pjetur S. Hallgrímsson trommuleikari. Þeir félagar…

Samkór Neskaupstaðar [2] (1968-69)

Tilraun var gerð til að starfrækja blandaðan kór á Neskaupstað veturinn 1968-69, hann hlaut nafnið Samkór Neskaupstaðar rétt eins og kór sem starfað hafði á staðnum rétt rúmlega áratug áður. Stjórnandi Samkórs Neskaupstaðar var Jón Mýrdal en kórinn var skammlífur og starfaði líklega aðeins í fáeina mánuði.

Samkór Neskaupstaðar [1] (1945-57)

Samkór var starfandi á Norðfirði í ríflega áratug á fimmta og sjötta áratug síðustu aldar. Það var Magnús Guðmundsson kennari á Neskaupstað sem hafði frumkvæði að stofnun kórsins vorið 1945 en hann hlaut nafnið Samkór Neskaupstaðar og söng fyrst opinberlega á verkalýðssamkomu þann 1. maí eða einungis tveimur vikum eftir að hann hóf æfingar. Kórmeðlimir…

Neistar [1] (1964)

Elstu heimildir um hljómsveit að nafni Neistar er að finna frá haustinu 1964 en þá lék sveit með því nafni í félagsheimilinu Egilsbúð í Neskaupstað. Hér er því giskað á að Neistar hafi verið af Austurlandi. Engar upplýsingar er að finna um meðlimi þessarar sveitar en Sigríður Rockley er auglýst sem söngkona með henni, hún…

Prologus (1979-80)

Hljómsveitin Prologus frá Neskaupsstað starfaði að minnsta kosti á árunum 1979-80 og var að einhverju eða öllu leyti sama sveit og Kvöldverður á Nesi, sem var starfrækt eystra um líkt leyti. Sveitin spilaði mestmegnis balltónlist á heimaslóðum. Ekki liggja fyrir upplýsingar um hverjir skipuðu Prologus.

Kátir félagar [2] (1939-43)

Tvær hljómsveitir störfuðu í Neskaupstað undir nafninu Kátir félagar, sú fyrri á stríðsárunum. Kátir félagar var fyrsta danshljómsveitin sem starfaði á Norðfirði en það var á árunum 1939-43, hugsanlega þó lengur. Meðlimir sveitarinnar voru bræðurnir Óskar Jónsson orgelleikari og Geir B. Jónsson mandólínleikari en auk þeirra var Hilmar Björnsson trommuleikari, sem lék á heimatilbúið trommusett…

Kátir félagar [4] (1962-65)

Kátir félagar frá Neskaupstað var hljómsveit nokkurra unglinga á Shadows og frumbítlaskeiðinu, 1962-65. Sveitin var líklega angi af Lúðrasveit Neskaupstaðar en ekki liggur þó fyrir hvort um blásarasveit var að ræða. Meðlimir Kátra félaga voru Smári Geirsson, Heimir Geirsson, Örn Óskarsson og Hlöðver Smári Haraldsson, engar upplýsingar er að finna um hljóðfæraskipan. Fleiri gætu hafa…

Karlakór verkamanna [5] (1936)

1936 var Karlakór verkamanna starfandi á Norðfirði. Ekki liggur fyrir hvort kórinn starfaði lengur en það eina ár en Ingólfur Sigfússon var stjórnandi hans. Allar upplýsingar um þennan kór væru vel þegnar.  

Karlakór Norðfjarðar [1] (1944-47)

Heimildir eru af skornum skammti um Karlakór Norðfjarðar hinn fyrri en hann starfaði á árunum 1944-47 undir stjórn Magnúsar Guðmundssonar. Ekki er ólíklegt að upphaf hans megi rekja til söngatriða á lýðveldishátíð í bænum.

Karlakór Norðfjarðar [2] (1959-68)

Karlakór Norðfjarðar hinn síðari starfaði í um áratug eftir því sem heimildir herma. Kórinn hóf æfingar haustið 1959 og æfði þann vetur en hélt sína fyrstu tónleika vorið 1960. Það var þó ekki fyrr en það sama haust að hann var formlega stofnaður, þá voru um þrír tugir söngfélaga í kórnum. Haraldur Guðmundsson var stjórnandi…

Kannsky (1988-89)

Hljómsveitin Kannsky var frá Neskaupstað og skartaði söngvaranum Einari Ágústi Víðissyni sem síðar átti eftir að syngja með Skítamóral, í Eurovision og miklu víðar. Ekki liggur nákvæmlega fyrir hvenær sveitin starfaði en sagan segir að Kannsky hafi spilað í sjónvarpsþættinum Á líðandi stundu sem sendur var út 1986, það þýðir að hún hafi verið stofnuð…

Goðgá [1] (1971-72)

Hljómsveitin Goðgá frá Neskaupstað var unglingasveit sem starfaði um tveggja ára skeið. Sveitin var stofnuð á Neskaupstað haustið 1971 og voru í henni upphaflega þeir Þorbjörn Ágúst Erlingsson söngvari, Sigurður Axel Benediktsson trommuleikari, Sverrir Hermannsson bassaleikari og Guðjón Steinþórsson gítarleikari. Veturinn 1971-72 starfaði sveitin eystra en um vorið fluttust þeir félagar til Húsavíkur þaðan sem…

Yukon (1996-97)

Hljómsveitin Yukon starfaði á Neskaupstað 1996 og 97. Engar upplýsingar liggja fyrir um meðlimi sveitarinnar.