Hljómsveitin Prologus frá Neskaupsstað starfaði að minnsta kosti á árunum 1979-80 og var að einhverju eða öllu leyti sama sveit og Kvöldverður á Nesi, sem var starfrækt eystra um líkt leyti. Sveitin spilaði mestmegnis balltónlist á heimaslóðum.

Meðlimir Prologus voru Guðmundur Sólheim Þorsteinsson söngvari og hljómborðsleikari, Sigurður Þorbergsson gítar- og básúnuleikari, Guðjón Steinar Þorláksson bassaleikari og Jóhann Geir Árnason trommuleikari.