Gypsy [2] (1985-88)

Gypsy

Gypsy

Þungarokkshljómsveitin Gypsy sigraði Músíktilraunakeppni Tónabæjar 1985 en hún var stofnuð í upphafi þess sama árs.

Meðlimir sveitarinnar voru Heimir Sverrisson bassaleikari, Hallur Ingólfsson trommuleikari (XIII, Ham o.fl.), Jón Ari Ingólfsson gítarleikari, Ingólfur Ragnarsson gítarleikari (Stripshow, Dimma o.fl.) og Jóhannes Eiðsson söngvari (Sigtryggur dyravörður o.fl.). Þeir Hallur og Jón Ari eru bræður.

Gypsy var nokkuð áberandi í tónlistarlífi Íslendinga meðan hún starfaði en ekkert efni liggur þó útgefið eftir hana.

Einhverjar mannabreytingar urðu í sveitinni áður en hún hætti endanlega snemma árs 1988. Ekki liggja þó fyrir upplýsingar um þær breytingar.

Sveitin kom saman aftur vorið 2014 og lék þá í beinni útsendingu á Rás tvö.