Draumaveröld
(Lag / texti: Þorlákur Friðriksson / Helgi Seljan)

Feginn vildi ég komast til þín hvar sem það nú er
koss af mjúkum vörum glaður þiggja.
Himnasælu finna enn í faðminum hjá þér
frið og ró í sálu minni tryggja.

Draumaveröld fagra vil ég eiga ástin mín
einn með þér svo fjarri heimsins glaumi.
Innst í húmsins veröld merlar ætíð myndin þín
máist ei í tímans þunga straumi.

Svona læt ég hugann reika og trega liðna tíð
tendra eld í lúnu, döpru hjarta.
Eitt er víst að minningin er ennþá björt og þýð
unaðskennd hún veitir töfrabjarta.

[m.a. á plötunni Danshljómsveit Friðjóns Jóhannssonar – Austfirskir staksteinar II]