Gleðisveifla
(Lag og texti: Stefán Bragason)

Gott er mjög í kreppu að kætast,
kynnast fólki, vingast, mætast.
Langt um verður lífið skárra þá.

Öll við þekkjum ættarmótin,
árshátíðir, þorrablótin.
Amstri dagsins oft þar gleyma má.

Saman vinir sveiflast þar í galsa,
sæla dansins fáu virðist lík.
Fætur stíga foxtrott, polka og valsa
og faðmlög vekja æskurómantík.

Látum rætast leynda drauma,
lífsins vekjum gleðistrauma.
Dönsum þó að drjúpi sviti af brá.

[m.a. á plötunni Danshljómsveit Friðjóns Jóhannssonar – Austfirskir staksteinar]