Heillandi vor
(Lag / text: Óðinn G. Þórarinsson / Þorsteinn Sveinsson)

Lýsast óðum langar nætur
ljósið fyllir hvert eitt spor,
dimma þverr og döggin grætur,
dagsól veikum eykur þor.
Út við fjallsins fögru rætur
fjólan vex í klettaskor.
Eins í okkar hjarta
ómar vorið bjarta,
ástarinnar unaðsljúfa vor.

Anga fögru blómin bláu
blíðlynd kvakar fuglahjörð,
brosir sól við býli lágu,
blikar dögg um grænan svörð.
Blítt skal vagga barni smáu
blessuð sólin heldur vörð.
Milli grænna greina
göngum vegu beina,
gyllir sólin gróðursæla jörð.

[m.a. á plötunni Danshljómsveit Friðjóns Jóhannssonar – Við tónanna klið: Lög Óðins G. Þórarinssonar]