Komdu að dansa
(Lag / texti: Aðalsteinn Ísfjörð / Elís Kjaran Friðfinnsson

Þegar harmónikan dunar
dulin þörf í æðum funar,
þá er yndislegt að vera í faðmi þínum litla stund.
Vita þrá í björtum barmi,
bros á ljúfum augnahvarmi,
armlag þétt, og finna yl af léttri lund.

Mjúkir fingur saman fléttast,
frjálsir tónar blíðir glettast,
og við eigum hvort með öðru þennan fund.

Komdu að dansa, komdu að dansa,
látum tónaflóðið vísa okkur veg.
Komdu að dansa, komdu að dansa,
stígum ljúfa taktinn bæði þú og ég.

Inn í töfra huldu hallir
harmoníkutónar snjallir
munu bera okkur vængjum sínum á um draumalönd.
Þar sem ástarguðagalsinn
gefur fyrirheit um valsinn,
og við svífum inn á pálmaviðarströnd.

En við frjálsan kossafuna,
finn ég alsæluna duna,
þá er unaðslegt, mér halda engin bönd.

Komdu að dansa, komdu að dansa,
látum tónaflóðið vísa okkur veg.
Komdu að dansa, komdu að dansa,
stígum ljúfa taktinn bæði þú og ég.

Harmoníkutónar tifa
tvöföld sæla er að lifa
er að lokum dansinn vekur bros á brá.

Komdu að dansa, komdu að dansa,
látum tónaflóðið vísa okkur veg.
Komdu að dansa, komdu að dansa,
stígum ljúfa taktinn bæði þú og ég.

[m.a. á plötunni Danshljómsveit Friðjóns Jóhannssonar ásamt fjölda góðra gesta – 44 íslensk alþýðu dans- og dægurlög]