Konurnar í lífi Errós
(Lag og texti: Gunnar L. Hjálmarsson)

Erró er rosalegur málari,
hann málar allt með aðstoð myndvarpa,
ég fílaði reyndar hans japönsku samfarir
en var að vísu bara 12 ára.

En konurnar í lífi Errós,
mér skilst þær skipti fleiri hundruðum
og ég get sagt það honum til hróss
að hann hefur legið fleiri konur en ég.

Erró þekkir allar aðal beljurnar
sem ólmar vildu reisa honum höll
undir ræpuna sem rennur frá honum
æ æ, nú fær ég aldrei boðskort.

En konurnar í lífi Errós,
mér skilst þær skipti fleiri hundruðum
og ég get sagt það honum til hróss
að hann hefur legið fleiri konur en ég.

[af plötunni Dr. Gunni – Stóri hvellur]