Þungt ymur þorrinn
(Lag / texti: erlent lag / Jónas Árnason)

Sestu hérna, sonur,
sestu mér hjá
meðan þungt ymur þorrinn
þekjunni á.

Þungt ymur þorrinn,
þrengir að með snjó.
Komdu og sestu hérna, sonur.
Þei, þei og ró.

Uppí ævistigann
árin bera þig;
sú kemur, kemur tíðin
að kveður þú mig.

Hvert sem leið þín liggur
á landi eða sjó
sýndu óvild engum manni.
Þei, þei og ró.

Liggli lítilmagninn
lágt í öskustó
reisi hönd þín hann á fætur.
Þei, þei og ró.

Engan órétt þoldu;
aldrei láttu þó
þínu hjarta hatrið spilla.
Þei, þei og ró.

Þungt ymur þorrinn,
þrengir að með snjó.
Komdu og sestu hérna, sonur.
Þeir, þei og ró.

[m.a. á plötunni Þrjú á palli – Við höldum til hafs á ný]