Hljómsveitakeppni var meðal skemmtiatriða á útihátíð sem haldin var á Laugum í Reykjadal um verslunarmannahelgina 1986 en slíkar hljómsveitakeppnir höfðu notið mikilla vinsælda á Atlavíkurhátíðunum sem haldnar voru á árunum 1982 til 1985.

Sex sveitir tóku þátt í hljómsveitakeppninni en vopnfirsk sveit, Guð sá til þín vonda barn bar sigur úr býtum – sveitin mun þó ekki hafa hlotið nein verðlaun fyrir sigurinn í keppninni þar sem fjárhagur hátíðarinnar leyfði það ekki. Í öðru sæti var hljómsveitin Marcos og Hross í haga í því þriðja. Aðrar sveitir sem tóku þátt í keppninni voru Merarnar, Grandmaster gámur og Kyndararnir.