Álfheiður Björk
(Lag og texti: Eyjólfur Kristjánsson)
 
Álfheiður Björk,
ég elska þig
hvað sem þú kannt
að segja við því.
Ég veit annar sveinn
ást þína fær.
Hvað get ég gert?
Hvað get ég sagt?

Álfheiður Björk,
við erum eitt.
Ást okkar grandað
aldrei fær neitt.
Ég veit annar sveinn
ást þína þráir.
Hvað get ég gert?
Hvað get ég sagt?

Þú mátt ekki láta þennan dóna,
þennan fylliraft og róna,
glepja þig.
Þú mátt ekki falla í hans hendur,
oft hann völtum fótum stendur.
Ó, hlustaðu á mig
því ég elska þig, Álfheiður Björk.

Álfheiður Björk,
ég elska þig.
Líf mitt er einskis
virði án þín.
Segðu‘ að þú sért
mín alla tíð,
Álfheiður Björk,
ég eftir þér bíð.

Þú mátt ekki láta þennan dóna,
þennan fylliraft og róna,
glepja þig.
Þú mátt ekki falla í hans hendur,
oft hann völtum fótum stendur.
Ó, hlustaðu á mig
því ég elska þig, Álfheiður Björk.

[m.a. á plötunni Ástarperlur 2 – ýmsir]