Kenn þú mér, kristur
(Lag / texti: erlent lag / Jóhanna G. Erlingsson)

Ef ræður mekti manna
er myrkrið svart.
Lát gullna geisla þína
gjöra aftur bjart
er sálin óttast eigi,
er andinn frjáls.
Högg fjötra fáviskunnar
flærðar og táls.

Lát eldinn ástar þinnar
upptendra líf,
uppræt þú óttann og hatur,
örvænting og stríð.

Kenn þú mér, Kristur,
þína kenning að sanna
að hver einstakur manna,
hann er bróðir minn.

Við skulum finna bróðir,
framtíðarlönd.
Óhræddir áfram höldum
við hönd í hönd.
Að baki skilja blekking
brjálaðs geims
og finna fyrirheitið:
Fullkominn heim.

Kenn þú mér, Kristur,
þína kenning að sanna
að hver einstakur manna,
hann er bróðir minn.

[m.a. á plötunni Hljómsveit Þorsteins Guðmundssonar – Grásleppu Gvendur]