Homo and the sapiens
Hljómsveitin Homo and the sapiens var um skeið eins konar húshljómsveit á Ob-la-di-ob-la-da við Frakkastíg en sveitin ku mestmegnis hafa leikið þar tónlist frá bítlaárunum, sveitin lék þó þar ekki eingöngu.
Homo and the sapiens virðist hafa starfað á árunum 2011 til 2017 en gæti þó auðvitað hafa verið til lengur, átta laga skífan Fyrir Braga leit dagsins ljós með sveitinni árið 2022 á Spotify og Soundcloud en svo virðist sem sveitin hafi þá verið hætt. Meðlimir hennar voru Bragi Ragnarsson söngvari og gítarleikari, Jón Magnús Einarsson gítarleikari, Hallgrímur Guðsteinsson bassaleikari og söngvari og Jón Indriðason trommuleikari.
Óskað er eftir frekari upplýsingum um þessa sveit.
Glatkistan 