Danshljómsveitin Norðan 3 starfaði á Sauðárkróki og herjaði mestmegnis á norðanvert landið. Sveitin var stofnuð sumarið 1994 og varð fljótlega áberandi í skemmtanalífinu fyrir norðan. Meðlimir hennar voru Hilmar Sverrisson gítar- og hljómborðsleikari, Viðar Sverrisson trommuleikari og Hörður G. Ólafsson bassaleikari, allir sungu þeir félagarnir en Hilmar og Viðar eru bræður. Sumarið 1995 bættist söngkonan…
Sellóleikarinn Nora Sue Kornblueh bjó hérlendis og starfaði um árabil en hún var gift klarinettuleikaranum Óskari Ingólfssyni. Nora fæddist í Bandaríkjunum 1951, nam sellóleik og lauk námi með BM gráðu, hún kom hingað til lands 1980 og lék hér með Sinfóníuhljómsveit Íslands og ýmsum kammersveitum, starfaði í Íslensku óperunni og Þjóðleikhúsinu, auk þess sem hún…
Nonni og mannarnir var sunnlensk hljómsveit skipuð meðlimum um tvítugt úr Árnes- og Rangárvallasýslum, og lék á sveitaböllum á Suðurlandsundirlendinu 1988 og 89. Meðlimir sveitarinnar voru Nonni eða Jón Arnar Magnússon trommuleikari, Lárus Ingi Magnússon söngvari, Þórir Gunnarsson bassaleikari, Heimir Eyvindarson hljómborðsleikari og Hörður Hákonarson gítarleikari. Sveitin hætti störfum haustið 1989 þegar Jón Arnar tók…
Nokkuð stór var söngsextett en hann starfaði 1973 innan Árnesingakórsins í Reykjavík, sem þá var undir stjórn Þuríðar Pálsdóttur. Eins og nafnið Nokkuð stór gefur til kynna var þarna á ferðinni sextett sem var nokkuð stór en meðlimir sextettsins voru reyndar sjö. Þetta voru þær Hjördís Geirsdóttir, Jóhanna Guðmundsdóttir, Kristín Ólafsdóttir, Herdís P. Pálsdóttir, Úlfhildur…
Hljómsveit af Suðurnesjunum bar nafnið Nítró árið 1991. Engar upplýsingar er að finna um þessa sveit en meðlimir hennar voru líkast til í yngri kantinum.
Sveitaballahljómsveitin Nítró var stofnuð á Sauðárkróki 1989 og starfaði um tveggja ára skeið. Meðlimir þessara sveitar voru þeir Guðmunudur Jónbjörnsson söngvari, Baldvin Ingi Símonarson gítarleikari, Kristinn Kristjánsson bassaleikari, Arnar Kjartansson trommuleikari og Haukur Freyr Reynisson hljómborðsleikari. Nítró lék á dansleikjum og þá mestmegnis á norðanverðu landinu.
Níkaragva group var starfandi í Hnífsdal en ekki er ljóst hvenær, hér er giskað á árin í kringum 1990. Nöfn tveggja meðlima sveitarinnar eru kunn en þeir Bragi Valdimar Skúlason (Baggalútur, Kalk o.fl.) gítarleikari og Kristján Freyr Halldórsson (Prins Póló, Geirfuglarnir o.fl.) trommuleikari ku hafa verið í henni. Upplýsingar um aðra meðlimir Níkaragva group, starfstíma…
Hljómsveitin Nippon starfaði í Kópavogi 1983 og var skipuð ungum meðlimum. Einhver/jir meðlimir hennar var síðar í Þarmagustunum en aðrar upplýsingar er ekki að finna um þessa sveit.
Nora Brocksted & Monn Keys [78 sn.] Útgefandi: Íslenzkir tónar Útgáfunúmer: IM 92 Ár: 1955 1. Svo ung og blíð 2. Æskunnar ómar Flytjendur: Nora Brocksted – söngur hljómsveit Egils Monn-Iversen – [engar upplýsingar um hljóðfæraleikara] Monn Keys kvintettinn – söngur Nora Brocksted [78 sn.] Útgefandi: Íslenzkir tónar Útgáfunúmer: IM 115 Ár: 1957 1. Eyjavalsinn…
Norska söngkonan Nora Brocksted (fædd 1923) kemur lítillega við sögu íslenskrar tónlistar en hún kom hingað tvívegis og skemmti landanum. Aukinheldur gaf hún út tvær plötur hérlendis þar sem hún söng á íslensku. Nora (skírð Nora Berg) hafði sungið með norska söngkvintettnum Monn keys um tíma þegar kvintettinn kom til Íslands árið 1954 og hélt…
Þrjú afmælisbörn eru á skrá Glatkistunnar að þessu sinni: Lárus Ingi Magnússon söngvari er fjörutíu og átta ára gamall á þessum degi. Lárus kemur upphaflega frá Hvolsvelli og söng þar með sveitaballahljómsveitum á borð við Durex, Frk. Júlíu og Nonna og mönnunum en hlaut sína frægð þegar hann sigraði fyrstu Söngkeppni framhaldsskólanna vorið 1990. Lárus…
Karlakór Reykjavíkur – syngur lög eftir Emil Thoroddsen og Björgvin Guðmundsson Útgefandi: SG-hljómplötur Útgáfunúmer: SG – 086 Ár: 1975 1. Hver á sér fegra föðurland 2. Smalastúlkan 3. Litfríð og ljóshærð 4. Búðarvísur 5. Til skýsins 6. Í fögrum dal 7. Íslands hrafnistumenn 8. Ó, fögur er vor fósturjörð 9. Íslands lag 10. Í rökkuró hún sefur 11.…
Fjögur afmælisbörn koma við sögu Glatkistunnar í dag: Ásgeir H. (Hermann) Steingrímsson trompetleikari er fimmtíu og níu ára gamall. Ásgeir byrjaði tónlistarnám sitt á Húsavík og síðan í Reykjavík en hann lauk einleikara- og kennaraprófi áður en hann fór til Bandaríkjanna til framhaldsnáms. Hann hefur gegnt stöðu fyrsta trompetleikara við Sinfóníuhljómsveit Íslands síðan 1985, hefur…
Blúsfélag Reykjavíkur efnir til blúskvölds í kvöld, mánudagskvöldið 3. október klukkan 21, á Café Rósenberg við Klapparstíg. Það verða þau Kristján Kristjánsson (KK), Andrea Gylfadóttir, Ásgeir Óskarsson, Guðmundur Pétursson, Pétur Tyrfingsson, Halldór Bragason, Jón Ólafsson og Sigurður Sigurðsson sem halda uppi blús stemmingunni í kvöld. Blúskvöld verða haldin fyrsta mánudagskvöld í hverjum mánuði veturinn 2016-17…
Að þessu sinni eru þrjú tónlistartengd afmælisbörn á skrá Glatkistunnar: Þorlákur (Hilmar) Kristinsson Morthens eða bara Tolli Morthens er sextíu og þriggja ára í dag. Allir þekkja listmálarann Tolla en margir muna líka eftir tónlistarferli hans, hann gaf út plötuna The boys from Chicago ásamt hljómsveitinni Ikarus árið 1983 en platan var einmitt lokaverkefni Tolla…
Afmælisbörn dagsins eru fjögur í dag, þetta er dagur trommuleikara: Birgir Baldursson trommuleikari er fimmtíu og fimm ára gamall. Birgir hefur leikið með ógrynni hljómsveita þar sem fjölbreytileikinn er í fyrirrúmi og hann er án efa sá trommuleikari sem leikið hefur með flestum sveitum hérlendis, hér eru einungis fáein sýnishorn: S.H. draumur, Stífgrím, Hitchcock, Jónatan…
Eitt afmælisbarn er á skrá Glatkistunnar þennan fyrsta dag október mánaðar: Þráinn Árni Baldvinsson gítarleikari og tónmenntakennari er fertugur á þessum degi. Þráinn hefur komið víða við í fjölbreytileika tónlistarinnar síðan hann lék með unglingahljómsveitinni Pain en þar má nefna sveitir eins og Sága, Klamidía X, Blóð, Innvortis, Kalk, Moonboot, Sikk og Skálmöld sem er…
Ekki er ljóst hvort Nipparnir voru starfandi hljómsveit en þeir Guðmundur Hermannsson söngvari, Vilhjálmur Guðjónsson gítarleikari og Ingvi Þór Kormáksson hljómborðsleikari gáfu út lag á safnplötunni Gæðamolar árið 1996 undir þessu nafni. Ekkert meira er að finna um Nippana.
Hljómsveitin Nigrophilia lék á tónleikum í Dynheimum á Akureyri snemma árs 1992 ásamt fleiri sveitum sem flestar voru í þyngri kantinum. Hér er því giskað á að sveitin hafi spilað þungt rokk og gæti verið af Norðurlandi. Engar aðrar upplýsingar er hins vegar að finna um Nigrophiliu og væru þær því vel þegnar.
Erfitt er að finna upplýsingar um hljómsveitina The Nighingales en hún var starfandi um miðjan áttunda áratug liðinnar aldar, að minnsta kosti 1975 og 76. Sveitin lék mikið á Vellinum og hafði m.a. að geyma Guðmund Hauk Jónsson, ýmislegt bendir til að um sé að ræða sömu sveit og bar nafnið Næturgalarnir og hafi borið…
Hljómsveitin Newshit var starfandi á Siglufirði um miðjan tíunda áratug síðustu aldar en sveitin átt lag á safnplötunni Lagasafnið 5 sem út kom 1996. Meðlimir Newshit, sem spilaði grunge rokk, voru Víðir Vernharðsson gítarleikari, Gottskálk Kristjánsson söngvari og gítarleikari, Jón Svanur Sveinsson bassaleikari og Sveinn Hjartarson trommuleikari. Sá síðast taldi hafði tekið við af Helga…
Allar upplýsingar um hljómsveitina New dance úr Garðabæ óskast sendar Glatkistunni. Að öllum líkindum var um að ræða unglingasveit, hún var starfandi vorið 1984.
Hljómsveitin Nesmenn starfaði á sínum tíma í Keflavík. Í Keflavík var mikil tónlistargróska um og eftir miðjan sjöunda áratug síðustu aldar og upp úr þeim farvegi spruttu Nesmenn fram sumarið 1966 en sveitin var stofnuð upp úr Rofum sem var bítlasveit eins og Nesmenn. Ekki liggur alveg fyrir hverjir skipuðu sveitina á hverjum tíma en…
Hljómsveitin NESKAMES starfaði á höfuðborgarsvæðinu, á árunum 1981-82. NESKAMES mun hafa verið skammstöfun fyrir Nú er svo komið að margir eru sárir. Meðlimir sveitarinnar voru Óskar Þorvaldsson trommuleikari, Ólafur Elíasson gítarleikari, Máni Svavarsson hljómborðsleikari og Þorsteinn Halldórsson bassaleikari. Einnig mun Ólafur Steinarsson hafa verið í sveitinni um tíma að minnsta kosti.
Nerðir var skammlíf sveit úr Sandgerði sem starfaði 1992. Sveitin spilaði grunge rokk og meðlimir hennar voru Viggó Maríasson, Smári Guðmundsson, Heiðmundur B. Clausen, Ólafur Þór Ólafsson og Pálmar Guðmundsson. Engar upplýsingar er að finna um hljóðfæraskipan Njarða.
Niðurlæging Norðurlanda var eins konar pönk- eða gjörningasveit, skipuð ungum meðlimum af Suðurnesjunum, hugsanlega úr Keflavík og starfaði í um tvö ár. Sveitin kom einungis fram í eitt skipti, á tónlistarhátíð sem haldin var innan Fjölbrautaskóla Suðurnesja. Meðlimir sveitarinnar voru þeir Jón Kr. Sigurðsson gítarleikari, Guðni Ragnar Þórhallsson gítarleikari og Kristinn Már Pálmason bassaleikari sem…
Niður – Útgefandi: [án útgefanda] Útgáfunúmer: [án útgáfunúmers] Ár: [ártal ókunnugt] [engar upplýsingar um efni] Flytjendur: [engar upplýsingar um flytjendur]
Hljómsveitin Niður starfaði í nokkur ár á tíunda áratugnum en vakti ekki mikla athygli utan ákveðins hóps tónlistaráhugafólks. Niður var lengi vel pönksveit, hún var stofnuð 1992 og voru meðlimir fyrstu útgáfu hennar Arnar Sævarsson gítarleikari og Jón Júlíus Filippusson söngvari (sem komu úr Sogblettum), Haraldur Ringsted trommuleikari (Rotþróin), Pétur Heiðar Þórðarson gítarleikari (Óþekkt andlit)…
Fjögur afmælisbörn koma við sögu á skrá Glatkistunnar í dag: Óli Ágústsson söngvari á stórafmæli dagsins en hann er áttræður í dag, hann var einn þeirra fyrstu sem lagði rokksöng fyrir sig á Íslandi á seinni hluta sjötta áratug síðustu aldar. Hann var iðulega kallaður Óli rokkari eða Óli Presley en hann sérhæfði sig í…
Að þessu sinni eru tvö tónlistartengd afmælisbörn á skrá Glatkistunnar: Haffi Haff (Hafsteinn Þór Guðjónsson) tónlistarmaður er þrjátíu og tveggja ára gamall á þessum degi. Haffi fæddist í Bandaríkjunum og hefur búið þar nánast alla sína ævi en kom til Íslands 2006 og hefur verið hérlendis með annan fótinn síðan. Fljótlega fór hann að vekja…
Eitt afmælisbarn er á skrá Glatkistunnar á þessum degi: Benedikt (Árnason) Elfar tenórsöngvari hefði átt afmæli þennan dag. Hann fæddist 1892 á Eyjafjarðarsvæðinu og ólst upp þar en fluttist suður til Reykjavíkur á unglingsárum. Þar nam hann guðfræði og söng en hætti síðar í guðfræðinni til að fara erlendis til frekara söngnáms í Danmörku og…
Tvö afmælisbörn koma við sögu á þessum degi: Reynir Jónasson harmonikkuleikari og organisti er áttatíu og fjögurra ára gamall í dag. Reynir kemur upphaflega úr Suður-Þingeyjasýslu en tónlistarferillinn hófst þó á Akureyri um tvítugt. Þegar hann flutti suður lék hmeð sveitum eins og Hljómsveit Svavars Gests, Rómeó kvartettnum og Tríói Trausta Thorberg en síðar hlaut…
Í dag koma tvö afmælisbörn við sögu hjá Glatkistunni: Dalvíkingurinn Matthías Matthíasson söngvari er fjörutíu og eins árs, hann vakti fyrst athygli með Reggae on ice en hafði reyndar áður keppt í Músíktilraunum með hljómsveitinni Dagfinni dýralækni. Samhliða reggíævintýrinu lék hann og söng í Hárinu og Súperstar en svo tóku við hljómsveitir eins og Papar,…
Hljómsveitin Nema lögreglan starfaði í Kópavogi á tímum íslensks pönks og nýbylgju. Heimild um sveitina segir hana hafa innihaldið þá Halldór Carlsson söngvara, Sigvalda Elvar Eggertsson söngvara og gítarleikara, Stein Skaptason trommuleikara og Trausta Júlíusson bassaleikara, en í annarri heimild er Birgir Baldursson sagður vera trymbill sveitarinnar. Frekari upplýsingar óskast um meðlimi hennar. Hávegur 1…
Helena Eyjólfsdóttir – Helena Eyjólfsdóttir syngur [ep] Útgefandi: Íslenzkir tónar Útgáfunúmer: EXP IM 56 Ár: 1958 1. Í leit að þér 2. Einhvers staðar úti í heimi 3. Ástarljóð mitt 4. Þú sigldir burt Flytjendur: Helena Eyjólfsdóttir – söngur Neo tríóið: – Kristinn Vilhelmsson – [?] – Magnús Pétursson – [?] – Karl Lilliendahl –…
Hljómsveitin Neo (einnig stundum ritað Neó) starfaði á sjötta og sjöunda áratug síðustu aldar, bæði hér heima og erlendis Sveitin var ýmist tríó, kvartett eða jafnvel kvintett en hér verður hún einungis nefnd Neo til einföldunar. Neo var líklega stofnuð 1956 (reyndar segir ein heimild sveitina hafa verið stofnaða 1945 en það er harla ósennilegt),…
Hljómsveitin Nemó starfaði á Akureyri um árabil á sjöunda og áttunda áratug síðustu aldar. Sveitin er fyrst nefnd í fjölmiðlum vorið 1965 og á fyrstu árunum var oft talað um Nemó kvartett. Engar upplýsingar er að finna um meðlimi Nemó en svo virðist sem Númi Adolfsson hafi verið hljómsveitarstjóri á fyrstu árunum. Eins kynni Birgir…
Nemendur nýlistadeildar MHÍ – Summer music (x2) Útgefandi: Dieter Roth’s Verlag Útgáfunúmer: [án útgáfunúmers] Ár: 1979 1. Part 1 and 2 2. Part 3 1. Part 4 2. Part 5 Flytjendur: Ari Kristinsson – [?] Daði Guðbjörnsson – [?] Eggert Einarsson – [?] Eggert Pétursson – [?] Guðmundur Oddur Magnússon – [?] Haraldur Ingi Haraldsson –…
Innan Myndlista- og handíðaskóla Íslands (MHÍ) var starfrækt á sínum tíma nýlistadeild sem var nokkuð umdeild, reyndar svo mjög að Einar Hákonarson skólastjóri skólans vildi leggja deildina niður (sem var stofnuð 1975 af Hildi Hákonardóttur þáverandi skólastjóra) um 1980 en honum fannst óþarft að innan skólans væri sérdeild fyrir nýlist aukinheldur sem nemendur deildarinnar ættu…
Hljómsveitin Nerdir úr Reykjavík starfaði 1990 og var þá um vorið skráð í Músíktilraunir Tónabæjar, sveitin virðist þó ekki hafa mætt til leiks af einhverjum ástæðum. Nerdir mun hafa innihaldið sjö meðlimi, þar af söngkonu en engar upplýsingar liggja fyrir um nöfn þeirra. Allar upplýsingar tengdar Nerdum/Nördum væru því vel þegnar
Hljómsveitin Nepall frá Selfossi starfaði árið 1992 að minnsta kosti og var þá áberandi á sveitaböllum sunnanlands. Meðlimir sveitarinnar voru Elvar Gunnarsson söngvari, Stefán Hólmgeirsson trommuleikari, Gunnar Ólason gítarleikari og Steinar Erlingsson bassaleikari. Á einhverjum tímapunkti tók Hilmar Hólmgeirsson við af Stefáni bróður sínum, einnig er mögulegt að Nepall hafi innihaldið einn meðlim til viðbótar…
Neó tríóið starfaði 1998 og 99, hugsanlega í Hafnarfirði. Engar upplýsingar finnast um meðlimi tríósins en söngkonurnar Edda Borg (1998) og Arna Þorsteinsdóttir (1999) sungu með því.
Neol Einsteiger – Heitur vindur …og þá hefst rigningin Útgefandi: Minningarsjóður Péturs Inga Þorgilssonar Útgáfunúmer: HV1 Ár: 1994 1. I don’t want it 2. Hrun 3. Yggdrasill 4. Söngur morðingjans 5. Næturflug 6. Péturslag I 7. Heitur vindur 8. Only want to 9. Doorman 10. I can’t be that hollow 11. Enough money 12. I…
Hljómsveitin Neol Einsteiger var stofnuð gagngert til að gefa út tónlist eftir Pétur Inga Þorgilsson sem lést af slysförum aðeins tvítugur að aldri. Það voru vinir Péturs sem stóðu að útgáfunni en hann hafði skilið eftir sig mikinn fjölda laga og vildu vinirnir heiðra minningu hans með plötunni Heitur vindur … og þá hefst rigningin.…
Afmælisbörnin eru þrjú í dag: Garðar (Emanúel) Cortes tenórsöngvari er sjötíu og sex ára í dag. Garðar stundaði söngnám hér heima á Íslandi og í Englandi og að loknu námi sinnti hann ýmsum söngverkefnum hér heima, bæði á sviði og plötum, hefur t.d. gefið út nokkrar plötur sjálfur. Garðar hefur ennfremur stýrt kórum, stofnað og…
Að þessu sinni eru tvær söngkonur á afmælislista Glatkistunnar, þær eru báðar látnar: Þingeyingurinn Erla Stefánsdóttir söngkona hefði átt afmæli á þessum degi. Erla fæddist 1947, fluttist ung til Akureyrar og gerðist þar söngkona hljómsveitarinnar Póló. Lagið Lóan er komin varð vinsælt í flutningi hennar á lítilli plötu 1967 en Erla átti eftir að syngja…
Hvorki fleiri né færri en fimm tónlistartengd afmælisbörn eru á skrá Glatkistunnar í dag: Fyrstan skal nefna Ragnar Bjarnason söngvara með meiru en hann er áttatíu og tveggja ára gamall. Ragnar þarf varla að kynna fyrir lesendum Glatkistunnar en eftir hann liggja um fimmtíu útgáfur í formi stórra og lítilla platna í gegnum tíðina. Allir…
Hljómsveitin Nefbrot úr Mosfellsbæ starfaði 1993 og lék rokk í þyngri kantinum. Nefbrot var ein þeirra sveita sem lék á tónleikum í Fellahelli undir yfirskriftinni Vaxtarbroddur snemma vors 1993 og stuttu síðar keppti sveitin í Músíktilraunum Tónabæjar, þá voru meðlimir hennar Daníel Sigurðsson söngvari og bassaleikari, Bjarni Ingvar Jóhannsson trommuleikari, Vigfús Þór Hreiðarsson gítarleikari og…
Náttúra – Magic key Útgefandi: Náttúra records / Tachika records / Belle Antique / Merry Go Round Útgáfunúmer: NTR 008 & NATT / TRCD001 / BELLE203293 / MGRL-2001 Ár: 1972 & 1990 / [án ártals] / 2020 / 2020 1. Could it be found 2. Out of the darkness 3. Gethsemane garden 4. Butterfly 5.…
Hljómsveitin Náttúra starfaði á hippa- og progrokktímum um og eftir 1970, var meðal vinsælustu og metnaðarfyllstu sveita þess tíma og gaf út eina plötu sem telst í dag meðal gersema íslenskrar tónlistarsögu. Um það leyti sem Náttúra var stofnuð var mikil gróska og vakning í íslensku rokklífi, frumbítlið hafi kvatt og þróaðri tilraunir með formið…
