Neol Einsteiger (1994)

Neol Einsteiger 1994

Neol Einsteiger

Hljómsveitin Neol Einsteiger var stofnuð gagngert til að gefa út tónlist eftir Pétur Inga Þorgilsson sem lést af slysförum aðeins tvítugur að aldri. Það voru vinir Péturs sem stóðu að útgáfunni en hann hafði skilið eftir sig mikinn fjölda laga og vildu vinirnir heiðra minningu hans með plötunni Heitur vindur … og þá hefst rigningin.

Meðlimir Neols Einsteiger voru Kristján Eggertsson söngvari, hljómborðs- og gítarleikari, Einar Scheving trommuleikari, Brynjar M. Óttarsson gítarleikari, Stefán M. Magnússon gítarleikari, Eyvindur Sólnes söngvari og Georg Bjarnason bassaleikari.

Platan kom út haustið 1994, réttu ári eftir andlát Péturs, og fékk hún ágæta dóma í DV og Morgunblaðinu. Sveitinni var aldrei ætlað að starfa áfram en hún kom fram í nokkur skipti opinberlega um haustið.

Efni á plötum