Síldarvísa (Þjóðhátíðarlag 1953)
(Lag / texti: Oddgeir Kristjánsson / Ási í Bæ (Ástgeir Ólafsson)

Þær heilsuðu okkur með svellandi söng
síldarstúlkurnar
og þá voru kvöldin svo ljós og löng
en ljúfastar næturnar.

Því við vorum ung og ástin hrein
og ólgandi hjartans blóð.
Og sumarið leið og sólin skein
og síldin á miðunum óð.

Ennþá er mér í minni
meyjarbros og tár,
skellóttur skýluklútur
og skollitað undir hár.
Glettni í gráum augum,
gamanyrði á vör,
dansinn á bátabryggju,
blossandi æskufjör.

Spriklandi silfur í sólareldi,
sökkhlaðinn bátur í áfangastað,
landað í skyndi og kysst að kveldi,
kannastu bróðir við lífið það?

Köld eru kynni haustsins,
kveðjustundin sár.
Ennþá er mér í minni
meyjarbros og tár.

Sóló

Spriklandi silfur í sólareldi,
sökkhlaðinn bátur í áfangastað,
landað í skyndi og kysst að kveldi,
kannastu bróðir við lífið það?

Köld eru kynni haustsins,
kveðjustundin sár.
Ennþá er mér í minni
meyjarbros og tár.

[af smáskífunni Hljómsveit Svavars Gests, Anna, Berti og Elly – 4 ný lög eftir Oddgeir Kristjánsson]