Húsvíska hljómsveitin Gloría starfaði um nokkurra ára skeið og fór mikinn á ballmarkaðnum á heimaslóðum, sveitin lék mikið á þorrablótum en einnig mikið á almennum dansleikjum. Gloría sendi frá sér eina plötu. Hljómsveitin var stofnuð haustið 1989 og voru stofnmeðlimir hennar Víðir Pétursson gítarleikari, Hrannar Pétursson bassaleikari og söngvari, Þráinn M. Ingólfsson gítarleikari og Sigurpáll…
Geimharður og Helena var dúett (fremur en hljómsveit) sem starfaði á Húsavík á árunum 1991-95 að minnsta kosti. Borgar Þór Heimisson mun hafa verið söngvari en hljóðfæraskipan sveitarinnar var harmonikka og trommuheili auk e.t.v. fleiri hljóðfæra. Allar frekari upplýsingar óskast um Geimharð og Helenu.
Hljómsveitin Mistök starfaði á Húsavík á síðari hluta níunda áratugar síðustu aldar og lék einkum á skóladansleikjum innan skólanna í bænum enda voru meðlimir sveitarinnar á grunnskóla- og menntaskólaaldri. Sveitin var að öllum líkindum stofnuð haustið 1986 og mun hafa gengið undir öðru nafni í byrjun. Ekki er ljóst hverjir skipuðu sveitina þá en haustið…
Haustið 1987 var hljómsveit á Húsavík sem bar nafnið Mánatríóið. Leifur Vilhelm Baldursson gítarleikari, Þórhallur Aðalsteinsson hljómborðsleikari og Hafliði Jósteinsson söngvari skipuðu tríóið en það starfaði að líkindum aðeins fram að áramótum. Allar ábendingar og leiðréttingar um þessa sveit eru þó vel þegnar.
Litlar upplýsingar er að finna um húsvíska tríóið Villa, Alla og Halla sem víst er að starfaði vorið 1976, önnur heimild segir að þeir hafi einnig spilað 1974. Aðalsteinn Ísfjörð harmonikkuleikari mun vera Alli en ekki liggja fyrir upplýsingar um hina tvo, hér með er óskað eftir þeim sem og öðru bitastæðu um þetta norðlenska…
Pönkhljómsveitin Vespré starfaði á Húsavík um eins árs skeið í lok níunda áratugs síðustu aldar en nafn sveitarinnar á sér augljósa skírskotun í samnefnd dömubindi. Vespré var stofnuð 1989 og voru meðlimir hennar Guðmundur Svafarsson söngvari, Heimir Kristinsson bassaleikari, Þormóður Aðalbjörnsson gítarleikari og Gauti Þór Grétarsson trymbill. Sveitin lék á tvennum tónleikum nyrðra en þar…
Hljómsveitin Blúsvíkingar starfaði árið 1992 á Húsavík og spilaði blús. Engar upplýsingar er að finna um meðlimi þessarar sveitar sem fór reyndar víða um norðanvert landið. Svo virðist sem Blúsvíkingar hafi verið endurreistir fyrir Mærudaga á Húsavík sumarið 2006.
Á árunum 1989-91, jafnvel lengur var starfandi rokksveit í þyngri kantinum á Húsavík undir nafninu Blóðmör. Meðlimir þessarar sveitar voru Þorgeir Tryggvason [gítarleikari?], Eggert Hilmarsson [bassaleikari?], Halli [Haraldur Ringsted Steingrímsson trommuleikari?] og Þrási [Þráinn Árni Baldvinsson gítarleikari?]. Staðfesting á meðlimum Blóðmörs og frekari upplýsingar um sveitina væru vel þegnar.
Birtan hinumegin var eins konar nýbylgjusveit frá Húsavík sem starfaði í skamman tíma 1991 og var þá hluti af hinni svokallaðri Húsavíkursenu í rokkinu. Meðlimir sveitarinnar voru Helgi Pétursson söngvari, Eggert Hilmarsson gítarleikari, Haraldur Steingrímsson trommuleikari og Aðalheiður [?] bassaleikari.
Sumarið 1975 var starfrækt hljómsveit á Húsavík undir nafninu Bergmál. Allar upplýsingar um þessa sveit, starfstíma, meðlimi o.s.frv. óskast sendar Glatkistunni.
Barnakór Húsavíkur starfaði á Húsavík í fjölmörg ár undir stjórn Hólmfríðar Benediktsdóttur. Kórinn var líklega stofnaður haustið 1974 og starfaði til ársins 1991 en lagðist þá í dvala. Hann var síðan endurvakinn mörgum árum síðar og var þá einnig undir stjórn Hólmfríðar. Upplýsingar eru afar takmarkaðar um þennan kór.
Barnakór hefur verið starfandi við Borgarhólsskóla á Húsavík frá árinu 1996 að minnsta kosti. Line Werner var stjórnandi kórsins lengi vel en Hólmfríður Benediktsdóttir hefur stjórnað honum síðustu árin. Ekki liggur fyrir hvort kórinn er starfandi ennþá en upplýsingar þ.a.l. mætti gjarnan senda Glatkistunni auk annarra upplýsinga um þennan kór.
Hljómsveitin B.R.A. (einnig ritað BRA) kom frá Húsavík, var skipuð ungum meðlimum og spilaði pönk líkt og margar aðrar sveitir á Húsavík um og eftir 1990. Meðlimir þessarar sveitar voru Ólafur Þórarinsson söngvari, Jóhann Jóhannsson gítarleikari, Valdimar Óskarsson bassaleikari og Hlynur Þór Birgisson trommuleikari. Sveitin var skráð til leiks líklega bæði 1992 og 93 en…
Tónakvartettinn var söngkvartett starfandi á Húsavík á árunum 1963 til 1969, hann kom margsinnis fram opinberlega og eftir hann liggja nokkrar plötur. Kvartettinn tók til starfa vorið 1963 og birtist á ýmsum skemmtunum á heimaslóðum, það var þó ekki fyrr en 1966 sem hann hélt sína fyrstu sjálfstæðu tónleika (á Húsavík) og þá fyrst hlaut…
Tríóið Þríund starfaði um árabil á Húsavík og lék á margs kyns skemmtunum og böllum nyrðra. Reyndar lék sveit með þessu nafni í nokkur skipti sunnan heiða á þessum en ekki er ljóst hvort um sömu sveit er að ræða. Það hlýtur þó að teljast líklegt. Meðlimir Þríundar voru bræðurnir Sigurður og Þórarinn Illugasyni gítar-…
Þrumur og eldingar var rokksveit, hugsanlega í harðari kantinum, sem starfaði sumarið 1991 að öllum líkindum á Norðurlandi en hún lék á rokkhátíð á Húsavík það sumar. Allar tiltækar upplýsingar um þessa sveit eru vel þegnar.
Samkór Húsavíkur hinn fyrsti var skammlífur en hann starfaði líklega aðeins í fáeina mánuði. Kórinn var stofnaður í ársbyrjun 1942 og starfaði af því er virðist fram á vorið en hann náði einungis að halda eina tónleika á þeim tíma. Stjórnandi Samkórs Húsavíkur var Ásbjörn Stefánsson læknir en um sextíu manns voru í kórnum.
Samkór Húsavíkur var starfandi 1986 á Húsavík undir stjórn Úlriks Ólasonar kirkjuorganista. Þessi kór virðist ekki hafa verið langlífur en upplýsingar þ.a.l. væru vel þegnar.
Samkór Húsavíkur var starfandi um nokkurra ára skeið á árunum 2001-09 í bænum en starfsemi hefur legið niðri síðustu árin. Kórinn var stofnaður árið 2001 og var Hólmfríður Benediktsdóttir stjórnandi hans fyrst um sinn en Lisa McMaster tók síðan við af henni. Meðlimir kórsins voru iðulega á bilinu þrjátíu til fjörutíu talsins en sá háttur…
Hljómsveitin S.S.K. starfaði á Húsavík sumarið 1992 og spilaði rokk í harðari kantinum. Engar upplýsingar er að finna um meðlimi þessarar sveitar, fyrir hvað skammstöfunin stóð eða hversu lengi hún starfaði. S.S.K. var þó að öllum líkindum skammlíf sveit.
Um eða eftir 1930 var starfandi kór á Húsavík undir nafninu Náttfari en hann mun þó ekki hafa verið langlífur. Engar upplýsingar er að finna um Náttfara sem ku hafa verið fremur fámennur kór en meðlimir hans skipuðu síðan kjarnann í Karlakórnum Þrym [2] sem Friðrik A. Friðriksson og fleiri stofnuðu haustið 1933.
Djasskórinn NA 12 eða Norð-austan 12 var starfræktur á Húsavík um áratuga skeið á níunda og tíunda áratug liðinnar aldar. Um var að ræða tólf manna blandaðan kór sem lagði áherslu á djassaðan flutning á léttri tónlist. Kórinn var stofnaður haustið 1987 og var stjórnandi hans í upphafi Line Werner en hún stýrði honum til…
Djasskvartettinn Jazzþingeyingar störfuðu á Húsavík 1990. Það sama sumar lék sveitin á Jazzhátíð Egilsstaða og voru meðlimir hennar Haraldur Jóhannesson baritón saxófónleikari, Sigurður Friðriksson píanóleikari, Leifur Vilhelm Baldursson bassaleikari og Bragi Ingólfsson trommuleikari. Sveitin hafði þá verið stofnuð nokkrum vikum fyrr. Um haustið hafði Birgir Jósefsson tekið við trommunum af Braga. Jazzþingeyingar virðast ekki hafa…
Tónlistarklúbburinn Jazzþing var félag þingeysks áhugafólks um djasstónlist, starfandi á Húsavík. Jazzþing var stofnað snemma á árinu 1986 og varð vettvangur djasskvölda af ýmsu tagi en aukinheldur stóð klúbburinn fyrir hvers kyns djasstengdum uppákomum s.s. tónleikum og námskeiðum í djasstónlistarhlustun en hlutverk kórsins var að kynna og breiða út djasstónlistina í héraðinu. Félagið var nokkuð…
Karlakórinn Skjálfandi hélt uppi sönglífi Húsvíkinga um fjögurra ára skeið á árunum 1923-27. Afar litlar heimildir finnast um þennan kór, ein þeirra segir að Einar Guðjohnsen verslunarmaður á Húsavík hafi verið stjórnandi hans en önnur heimild segir Stefán Guðjohnsen hafa gegnt þeim starfa. Allar frekari upplýsingar varðandi Karlakórinn Skjálfanda væru vel þegnar.
Á Húsavík starfaði Karlakórinn Þrymur rétt eftir aldamótin 1900. Hann var stofnaður fyrir frumkvæði Stefáns Guðjohnsen en hann stjórnaði kórnum einnig. Þrymur starfaði á árunum 1905 til 1918 en tvö síðustu árin var komið los á starfsemina og að lokum hætti hann. Einum og hálfum áratug síðar var nýr karlakór stofnaður á Húsavík undir sama…
Karlakórinn Þrymur á Húsavík (hinn síðari) starfaði mun lengur en sá fyrri eða í liðlega hálfa öld. Stefán Guðjohnsen sem hafði haft veg og vanda af fyrri Þrymi kom að stofnun seinni kórsins haustið 1933 en sr. Friðrik A. Friðriksson, sem var þá nýkominn til Íslands úr Vesturheimi, og fleiri aðilar komu einnig að stofnun…
Margir muna eftir húsvísku hljómsveitinni Roð sem var áberandi í pönksenunni norðan heiða í lok síðustu aldar. Aðeins tvö lög komu út á sínum tíma, á safnplötunni Pönkið er dautt (2000) og söknuðu margir þess að ekki skyldi meira efni koma út með sveitinni. Úr því hefur nú verið bætt en Roð hefur nú gefið…
Húsvíska unglingahljómsveitin Ðe senjorita swingband starfaði að minnsta kosti í eitt ár um miðjan níunda áratug tuttugustu aldarinnar, stofnuð haustið 1985 og var enn starfandi ári síðar. Meðlimir sveitarinnar voru Ríkarður Jónsson trommuleikari, Borgar Heimisson hljómborðsleikari, Eggert Hilmarsson bassaleikari og Gunnar Þór Eggertsson gítarleikari.
Pönkhljómsveitin Roð frá Húsavík starfaði skömmu fyrir síðustu aldamót og vakti nokkra athygli sérstaklega fyrir beinskeytta texta en náði ekki að koma frá sér miklu efni í útgáfuformi. Sveitin var hluti af húsvísku pönksenunni seinni part tíunda áratugarins en þá var heilmikil vakning norðanlands, sem leiddi ýmist af sér sveitir sem kepptu í Músíktilraunum eða…
Hljómsveitin Rómeó frá Húsavík starfaði í að minnsta kosti þrjú ár í lok níunda áratugarins, hún virðist mest hafa spilað á böllum í Þingeyjasýslum. Sveitin var stofnuð 1987 og voru meðlimir hennar bræðurnir Þorvaldur Daði og Kristján Halldórssynir gítarleikarar, Karl Hálfdánarson bassaleikari, Sigurjón Sigurðsson trommuleikari og Sigurpáll Ísfjörð Aðalsteinsson hljómborðsleikari. Þeir félagar skiptust á að…
Hljómsveitin Forhúð starfaði á Höfn í Hornafirði í kringum 1970 og hafði að geyma Magnús Einarsson, síðar útvarpsmann. Nafn sveitarinnar ku hafa valdið nokkrum deilum í Póstinum í Vikunni, en ekki hafa fundist upplýsingar um aðra meðlimi þessarar mætu sveitar. Sagan segir að um svipað leyti hafi hljómsveit á Húsavík borið sama nafn, allar upplýsingar…
Hljómsveitin Hreinar nálar starfaði á árunum 1993 og 94 á Húsavík. Sveitin sem upphaflega gekk undir nafninu Hreinar nálar við innganginn, innihélt Hans Wium söngvara (Hrafnar), Guðmund Svafarsson bassaleikara (Ræsið, Roð, Ljótu hálfvitarnir o.fl.), Hlyn Þór Birgisson trommuleikara (B.R.A.), Eggert Hilmarsson gítarleikara (Rotþróin, Ljótu hálfvitarnir o.fl.) og Borgar Þór Heimisson söngvara (Rotþróin, Geimharður og Helena, Drep).…
Tríóið Keldusvínin frá Reykjavík og Húsavík starfaði á árunum 1991 og 92. Síðara árið keppti sveitin í Músíktilraunum en gerði þar engar rósir, í kjölfarið heyrðist ekkert frá sveitinni. Bergþór Hauksson bassaleikari og söngvari, Ármann Guðmundsson söngvari og gítarleikari og Haraldur Steingrímsson trommuleikari skipuðu sveitina þegar hún spilaði í tilraununum.
Lucifer var þungarokksveit frá Húsavík og var að öllum líkindum starfandi 1983 og 84. Sveitina skipuðu þeir Ármann Guðmundsson gítarleikari og Þorgeir Tryggvason bassaleikari (báðir kenndir síðar við Ljótu hálfvitana), Þráinn Ingólfsson gítarleikari og Gunnar Hrafn Gunnarsson trommuleikari (Greifarnir). Sveitin mun hafa lagt upp laupana fljótlega eftir að Gunnar gekk til liðs við Special treatment…
Sveitaballahljómsveitin Rafael frá Húsavík spilaði lengstum á heimaslóðum á tíunda áratug liðinnar aldar og mun meðal annars hafa verið öflug á þorrablótamarkaðnum. Rafael var stofnuð vorið 1991, í upphafi voru Jón Ingólfsson hljómborðsleikari, Örn Sigurðsson söngvari og saxófónleikari, Elvar Bragason gítarleikari og ónefndur bassaleikari í hljómsveitinni. Þórarinn Jónsson trommuleikari bættist í hópinn fljótlega en ekki er…
Hljómsveitin Special treatment (síðar Greifarnir) var stofnuð á Húsavík þótt hún hafi starfað mest alla tíð sunnanlands, hún var t.a.m. um tíma skólahljósveit Fjölbrautaskólans við Ármúla. Eitthvað er á reiki hvenær sveitin var nákvæmlega stofnuð, líklega var það fyrri hluta ársins 1983 en „endanleg“ mynd komst á hana sumarið 1984 þegar Gunnar Hrafn Gunnarsson trommuleikari…
Hljómsveitin Svarti túlípaninn starfaði um miðjan áttunda áratug liðinnar aldar (allavega 1975) á Húsavík eða nágrenni. Engar sögur fara af hljóðfæraskipan þessarar sveitar eða hversu lengi hún starfaði.
Hljómsveitin Víbrar (stundum nefnd Víbrar og Hafliði) starfaði á árunum 1965-70 (ein heimild segir hana hafa starfað til 1972) á Húsavík og lék einkum á heimaslóðum norðanlands. Lengst af var sveitin skipuð þeim Braga Ingólfssyni trommuleikara og söngvara, Birni Gunnari Jónssyni gítarleikara, Þórhalli Aðalsteinssyni orgelleikara, Leifi Vilhelm Baldurssyni bassaleikara og Hafliða Jósteinssyni söngvara. Aðalsteinn Ísfjörð…
