Það finnst ekki hérna í heimi
(Lag / texti: erlent lag / Jónas Árnason)

Það fnnst ekki hérna í heimi
neinn heimur sem brúklegri er
en heimurinn í okkar heimi
og heimur sá batnandi fer.

Ofsæktu ei þína móður,
það er ekkert gaman að því.
Safnaðu hnullungum heldur
og hentu þeim föður þinn í.

Og senn ríkir sæla og friður
frá suðri og norður á pól
en sprengjan er búin að springa
og spila sitt Heimsumból.

Ofsæktu ei þína móður,
það er ekkert gaman að því.
Safnaðu hnullungum heldur
og hentu þeim föður þinn í.

[engar upplýsingar um lagið á plötum]