Harðlífi

Hljómsveitin Harðlífi var skammlíf sveit en hún var í raun undanfari hljómsveitarinnar Græni bíllinn hans Garðars á Bíldudal.

Sveitin var stofnuð snemma sumars 1987 og voru meðlimir hennar þeir Bjarni Þór Sigurðsson gítarleikari, Matthías Ágústsson bassaleikari, G. Hjalti Jónsson trommuleikari, Viðar Ástvaldsson hljómborðsleikari og Þórarinn Hannesson söngvari. Hún hlaut nafn sitt þegar framundan var fyrsti dansleikur sveitarinnar en lék reyndar aðeins einu sinni undir því nafni áður en því var breytt í Græni bíllinn hans Garðars.