Logo hljómsveitarinnar The Hope

Hljómsveitin The Hope starfaði við Kirkjubæjarskóla á Kirkjubæjarklaustri á árunum 1987 til 88 en hún hafði verið stofnuð þar að áeggjan Guðmundar Óla Sigurgeirssonar kennara sem hafði þá séð um að hljóðkerfi var keypt við skólann.

Meðlimir sveitarinnar voru í upphafi þeir Hjörtur Freyr Vigfússon trommuleikari og söngvari, Jón Geir Birgisson bassaleikari og Frosti Jónsson hljómborðsleikari en þegar Halldór Brynjar Þráinsson trommuleikari frá Hornafirði fluttist í þorpið tók hann við trommunum af Hirti sem færði sig yfir á gítar ásamt því að syngja áfram.

The Hope starfaði um skeið og lék eingöngu á tónlistartengdum uppákomum í heimahéraði en varð síðar að hljómsveitinni Volvo með breytti liðsskipan.