Hljómsveit sem bar nafnið Hvað er það stórt? sigraði hæfileikakeppni NFFA á haustmánuðum 1987 en keppnin var lengi árviss viðburður innan Fjölbrautaskóla Vesturlands á Akranesi.

Hljómsveitin var skipuð þeim Guðmundi Sigurðssyni gítarleikara, Loga Guðmundssyni trommuleikara, Hallgrími Guðmundssyni bassaleikara og Ómari Rögnvaldssyni gítarleikara.

Hvað er það stórt? virðist ekki hafa starfað lengi eftir þennan sigur í hæfileikakeppninni.