Hljómsveitin Hverjir starfaði á Ísafirði árið 1965 (að öllum líkindum) en nafn hennar var sótt til bresku sveitarinnar The Who.

Meðlimir Hverra voru ungir að árum og meðal þeirra var Rúnar Þór Pétursson en þetta var fyrsta hljómsveitin sem hann starfaði með, hann lék á trommur í sveitinni en aðrir meðlimir hennar voru Örn Jónsson gítarleikari, Stefán Símonarson gítarleikari og Samúel Kárason bassaleikari. Hverjir munu aðeins hafa komið fram einu sinni meðan hún starfaði en þróaðist síðan yfir í aðra sveit sem bar nafnið Skippers.