Óskað er eftir upplýsingum um hljómsveit sem starfaði á Ísafirði líklega í kringum 1990 og gekk undir nafninu Captain dangerous MacPrick. Meðlimir sveitarinnar voru Arnþór Benediktsson bassaleikari, Jónas [?], Elmar [?] og hugsanlega fleiri en þeir voru þá á unglingsaldri.
Á Ísafirði starfaði um nokkurra ára skeið í kringum 1990 hljómsveit undir nafninu Gömlu brýnin (einnig kallað GB-tríóið) sem spilaði víðs vegar um Vestfirði en þó líklega mest í heimabænum. Sveitin var stofnuð haustið 1988 og voru meðlimir hennar alla tíð reynsluboltarnir Sigurgeir Sverrisson hljómborðs- og harmonikkuleikari, Halldór Guðmundsson trommuleikari og Ásthildur Cesil Þórðardóttir söngkona…
Hljómsveitin Grafík frá Ísafirði er líklega þekktasta hljómsveit Vestfjarða en sveitin gaf út fimm ólíkar plötur sem allar fengu prýðilega dóma, hún ól jafnframt af sér tvo af þekktustu söngvurum íslenskrar poppsögu og tveir meðlimir hennar í viðbót hafa sent frá sér fjölda sólóplatna. Stofnun sveitarinnar átti sér nokkurn aðdraganda en flestir meðlimir hennar höfðu…
Söngfélagið Glymjandi starfaði um nokkurra ára skeið á Ísafirði á öðrum áratug síðustu aldar og kom fram á fjölda söngskemmtana fyrir vestan. Það var tónlistarfrömuðurinn Jónas Tómasson (hinn eldri) sem stjórnaði þessum blandaða kór alla tíð en kórinn innihélt um tvo tugi meðlima. Kórinn var stofnaður haustið 1910 en Jónas hafði veturinn á undan verið…
Ísfirska hljómsveitin Gancía var starfrækt í lok áttunda áratugar síðustu aldar, líklega 1979 og 80. Sveitin var stofnuð síðla sumars 1979 og voru meðlimir hennar þá Ásthildur Cesil Þórðarsdóttir söngkona, Sigurður Rósi Sigurðsson gítarleikari, Jón Hallfreð Engilbertsson gítarleikari [?], Halldór Halldórsson (eða Guðmundsson) trommuleikari og Þorsteinn Bragason bassaleikari [?]. Ekki liggur fyrir hversu lengi Gancía…
Ísfirska hljómsveitin Gabríel starfaði í nokkur ár og var þá öflug í ballspilamennskunni á Vestfjörðum. Sveitin var stofnuð haustið 1980 á Ísafirði og voru Guðmundur Hjaltason söngvari og Kristinn Níelsson gítarleikari þar fremstir í flokki, aðrir meðlimir voru Alfreð Erlingsson hljómborðsleikari, Hólmgeir Baldursson trommuleikari og Þorsteinn Bragason bassaleikari, Jón Hallfreð Engilberts mun hafa tekið gítarnum…
Á þjóðhátíðardegi Íslendinga, 17. júní 1971 lék hljómsveit sem bar heitið Mengun, á unglingadansleik á Ísafirði. Hér er óskað eftir upplýsingum um sveitina, meðlimi hennar, starfstíma og fleira bitastætt. Að öllum líkindum var um skammlífa sveit að ræða.
Hljómsveitin Mánakvartettinn var starfrækt á Ísafirði á síðari hluta sjötta áratugs síðustu aldar, Karl Einarsson var hljómsveitarstjóri hennar og gekk sveitin einnig undir nafninu Hljómsveit Karls Einarssonar á einhverjum tímapunkti. Sveitin starfaði á árunum 1956 til 1960 að minnsta kosti en síðast nefnda árið urðu breytingar á liðsskipan hennar og varð BG & Ingibjörg til…
Hljómsveitin Make it starfaði um miðjan áttunda áratug 20. aldarinnar í Reykjavík. Sveitin var stofnuð í Breiðholtsskóla og því voru meðlimir hennar fremur ungir að árum, það voru þeir Bjarni Sveinbjörnsson bassaleikari (Gammar, Dada o.m.fl.), Ívar Sigurbergsson söngvari og gítarleikari (Dada, Bogart o.fl.) og Jökull Úlfsson trommuleikari (B.G & Ingibjörg, Egó o.fl.) sem allir voru…
Hljómsveitin Mamma hestur frá Ísafirði vakti nokkra athygli á Músíktilraunum vorið 1997 þótt ekki færi hún í úrslit keppninnar. Meðlimir sveitarinnar voru Ásgeir Sigurðsson hljómborðsleikari, Valdimar Jóhannsson söngvari og gítarleikari, Guðmundur B. Halldórsson gítarleikari, Örn Gunnarsson trommuleikari, Hálfdán Bjarki Hálfdánsson bassaleikari og Stefán Önundarson blásari. Ekki liggur reyndar alveg ljóst fyrir hversu lengi starfaði en…
M.G. tríó starfaði á veitingastaðnum Uppsölum (síðar Sjallanum) á Ísafirði um tíma um miðja síðustu öld og var eins konar húshljómsveit sem lagði mikla áherslu á Fats Waller píanódjass. M.G. stóð fyrir Magnús Guðjónsson sem lék á píanó en aðrir meðlimir voru Vilberg Vilbergsson (Villi Valli) sem lék á harmonikku (og hugsanlega saxófón) og Erich…
M.Í. kvartettinn var söngkvartett starfandi innan Menntaskólans á Ísafirði um miðjan níunda áratug síðustu aldar. Upphaflega hafði verið ætlunin að stofna kór innan MÍ árið 1983 en þegar aðeins um tíu manns sýndu málinu áhuga og fækkaði heldur þar til eftir voru fjórir, var M.Í. kvartettinn stofnaður. Meðlimir hans voru þeir Heimir S. Jónatansson og…
Villi Valli er líkast til einn þekktasti tónlistarmaður Vestfjarða, hann starfrækti fjölda sveita um og eftir miðja síðustu öld og sendi frá sér tvær plötur eftir sjötugt. Villi Valli sem heitir fullu nafni Vilberg Valdal Vilbergsson er fæddur á Flateyri vorið 1930 og hefur alið manninn nánast alla sína tíð fyrir vestan. Á æskuárum sínum…
Vilberg Vilbergsson (Villi Valli) rakari á Ísafirði starfrækti fjölda hljómsveita frá því um miðja síðustu öld og allt fram á annan áratug þessarar aldar, og skipta meðspilarar hans tugum í þeim sveitum. Sveitir Villa Valla hafa verið allt frá tríóum og upp í sjö manna bönd en oftast var um kvartetta að ræða, ekki er…
Hljómsveitin Bulla starfaði á Ísafirði haustið 1996. Engar upplýsingar liggja fyrir um meðlimi sveitarinnar en þeir voru að öllum líkindum á grunnskólaaldri. Óskað er eftir upplýsingum um þessa sveit.
Hljómsveitin Blossar og Barði starfaði í nokkra mánuði um miðjan sjöunda áratuginn á Ísafirði. Sveitin var stofnuð upp úr V.V. og Barða sem hafði verið starfandi þar í bæ í nokkurn tíma, Vilberg Vilbergsson (Villi Valli) hljómsveitarstjóri þeirrar sveitar lagði hana niður um haustið 1964 en hinir meðlimir sveitarinnar héldu áfram undir nafninu Blossar og…
Hljómsveitin Blackbird (Black bird) frá Ísafirði starfaði árið 1969 (hugsanlega einnig 1968) og keppti þá um verslunarmannahelgina í hljómsveitakeppni sem haldin var í Húsafelli og lenti þar í öðru sæti. Meðlimir sveitarinnar voru þeir Rúnar Þór Pétursson gítarleikari, Reynir Theódórsson gítarleikari, Örn Jónsson bassaleikari, Reynir Guðmundsson trommuleikari og Einar Guðmundsson orgelleikari. Einar var upphaflega trommuleikari sveitarinnar…
Unglingahljómsveitin Berb frá Ísafirði starfaði á fyrri hluta áttunda áratugar síðustu aldar, hugsanlega í eitt eða tvö ár. Stórsöngvarinn Helgi Björnsson var í þessari sveit sem mun hafa verið hans fyrsta hljómsveit, sem og Hörður Ingólfsson en ekki liggja fyrir upplýsingar um aðra meðlimi þessarar merku sveitar.
Tónlistarmaðurinn Baldur Geirmundsson hefur um áratuga bil verið einn af þekktustu sonum Vestfjarða en hann stýrði m.a. hljómsveit sinni BG-flokknum (BG & Ingibjörg o.s.frv.) sem naut nokkurra vinsælda á áttunda áratug síðustu aldar. Baldur (Björn) Geirmundsson fæddist að Látrum í Aðalvík árið 1937 en fluttist níu ára gamall til Hnífsdal þar sem hann bjó fram…
Árið 1993 var hljómsveit starfandi á Ísafirði undir nafninu Trix. Heimildir um þessa sveit eru afar takmarkaðar en í henni mun hafa verið söngkona að nafni Kolbrún [?]. Allar frekari upplýsingar um þessa sveit væru vel þegnar.
Hljómsveitin Trap var starfandi á síðari hluta sjöunda áratug síðustu aldar á Ísafirði, meðlimir sveitarinnar voru ungir að árum enda var hún starfrækt í Gagnfræðiskólanum í bænum. Ekki liggur fyrir nákvæmlega hvenær sveitin starfaði en hér er giskað á 1967-70). Meðlimir Traps voru Stefán Símonarson gítarleikari, Rúnar Þór Pétursson gítarleikari, Reynir Guðmundsson trommuleikari, Kristján Hermannsson…
Allar upplýsingar varðandi hljómsveitina (hugsanlega dúettinn) Tilviljun óskast sendar Glatkistunni. Tilviljun starfaði á Ísafirði og að öllum líkindum var Sigurjón Kjartansson (Ham o.fl.) í henni, einnig hefur Pétur Geir Óskarsson verið nefndur í þessu samhengi en sveitin átti efni á safnsnældunni Ísfizkar nýbylgjugrúbbur (Dauðar og lifandi) sem kom út 1983.
Hljómsveitin Tilbrigði var einhvers konar rokk- eða pönksveit starfandi á Ísafirði í kringum 1983. Forsprakki sveitarinnar var Sigurjón Kjartansson (síðar kenndur við Ham og fleiri sveitir) en ekki liggja fyrir upplýsingar um aðra meðlimi hennar. Tilbrigði átti efni á safnsnældunni Ísfizkar nýbylgjugrúbbur (dauðar og lifandi), sem Sigurjón var reyndar einnig útgefandi af.
Dúóið Ónýta gallerýið starfaði á Ísafirði um miðjan níunda áratuginn og sendi árið 1984 frá sér kassettuna Auðvirðilegur koss frá bjánanum rósrauða. Meðlimir Ónýta gallerýsins voru þeir Sigurjón Kjartansson og Gísli Örn Þórólfsson, og flokkaðist tónlist þeirra undir eins konar nýbylgju. Það var útgáfufyrirtæki Sigurjóns, Ísafjörður über alles sem gaf kassettuna út. Efni á plötum
Hljómsveitin Þras starfaði á Ísafirði 1983 og átti þá efni á safnsnældunni Ísfizkar nýbylgjugrúbbur (dauðar og lifandi) sem kom út þá um haustið á vegum Ísafjörður überalles, útgáfufyrirtækis Sigurjóns Kjartanssonar, síðar Tvíhöfða o.m.fl.. Sigurjón mun hafa verið einn meðlima Þrass en engar upplýsingar er að finna um aðra meðlimi sveitarinnar, líftíma hennar eða annað.
Ísfirska hljómsveitin Urmull vakti nokkra athygli fyrir tónlist sína í lok síðustu aldar, sveitin gaf þá út snældu og geislaplötu. Urmull var stofnuð haustið 1992, keppti vorið eftir (1993) í Músíktilraunum Tónabæjar og lék þar gruggrokk, oft kennt við Seattle í Bandaríkjunum. Þá voru meðlimir sveitarinnar Símon Jakobsson bassaleikari, Guðmundur Birgir Halldórsson gítarleikari, Stefán Freyr…
Afar takmarkaðar upplýsingar er að finna um hljómsveitina Sexmenn en hún starfaði á Ísafirði árið 1967, hugsanlega þó mun lengur. Meðlimir voru, eins og nafn sveitarinnar gefur til kynna, sex talsins en fjórir hafa verið nafngreindir, Þórarinn Gíslason sem gæti hafa leikið á píanó eða hljómborð, Samúel Einarsson bassaleikari, Ólafur Karvel Pálsson saxófónleikari og Vilberg Vilbergsson…
Á Ísafirði starfrækti Sigurjón Kjartansson (síðar Ham, Olympia o.m.fl.) útgáfufyrirtækið Ísafjörður über alles á fyrri hluta níunda áratug síðustu aldar. Hann var þá einungis um fimmtán ára aldur. Ísafjörður über alles var hvorki langlíf né afkastamikil útgáfa en náði þó að koma frá sér tveimur snældum, annars vegar safnsnældunni Ísfizkar nýbylgjugrúbbur (dauðar og lifandi) sem…
Löng hefð er fyrir karlakórastarfi á Vestfjörðum og hefur Ísafjörður verið þar fremstur í flokki en þar má segja að hafi nokkuð samfleytt starfað karlakór allt frá 1922 er Karlakór Ísafjarðar var stofnaður. Það er líka athyglisvert að tveir máttarstólpar í ísfirsku tónlistarlífi, þeir Jónas Tómasson og Ragnar H. Ragnar stjórnuðu kórnum í samtals í…
Kammersveit Ísafjarðar mun hafa verið starfandi á Ísafirði veturinn 1975-76 að minnsta kosti, líklega undir stjórn Hjálmars H. Ragnarssonar. Nánari upplýsingar varðandi þessa sveit væru vel þegnar.
Kammersveit Vestfjarða starfaði um tíu ára skeið á Ísafirði á áttunda og níu áratug síðustu aldar. Sveitin var líklega skipuð kennurum úr Tónlistarskóla Ísafjarðar frá upphafi en eitthvað var misjafnt hverjir skipuðu hana hverju sinni. Gunnar Björnsson sellóleikari var að öllum líkindum lengst í henni en aðrir sem voru meðlimir hennar um lengri eða skemmri…
Hljómsveitin Digital var skammlíf og starfaði á Ísafirði sumarið 1985. Litlar upplýsingar er að finna um þessa sveit, aðeins er vitað um trommuleikarann, Jökul Úlfsson en hann hafði fáeinum árum áður leikið með Egó. Svo virðist sem saga Digital hafi verið öll um haustið 1985 en allar upplýsingar varðandi þessa sveit væru vel þegnar.
Ísfirska hljómsveitin Ýr varð ein fyrst rokksveita af landsbyggðinni til að gefa út plötu en þekktust er hún líklega fyrir framlag sitt, Kanínuna, sem Sálin hans Jóns míns gerði síðar sígilt. Ýr var stofnuð á Ísafirði haustið 1973 og voru stofnmeðlimir sveitarinnar Hálfdan Hauksson bassaleikari (B G & Ingibjörg), Guðmundur Þórðarson gítarleikari, Rafn Jónsson (Rabbi)…
Þegar talað er um hljómsveitina BG og Ingibjörgu frá Ísafirði er eiginlega um að ræða nokkrar sveitir, allar þó undir stjórn Baldurs Geirmundssonar, starfandi um fjörtíu ára skeið. Upphafið má rekja til tríósins BKB sem ku hafa verið fyrsta hljómsveitin sem Baldur starfrækti. Það var nokkru fyrir 1960, líklega um miðjan sjötta áratuginn. Upphaflegu meðlimir…
Danshljómsveit Vestfjarða var starfrækt á Ísafirði 1977–79. Hún var stofnuð 1977 af nokkrum meðlimum hljómsveitarinnar Ýrar, sem þá hafði verið starfandi síðan 1973. Meðlimir sveitarinnar voru Rafn Jónsson trommuleikari, Reynir Guðmundsson söngvari, Sigurður Rósi Sigurðsson gítarleikari og Örn Jónsson, sem allir höfðu verið í Ýr, auk þeirra voru Svein Arve Hovland gítar- og trompetleikari og…
Hljómsveitin Dolby er frá Ísafirði en hún var starfandi a.m.k. 1987-89. 1989 komu út lög með henni á safnplötunni Vestan vindar. Meðlimir voru þar Guðmundur Hjaltason söngvari og bassaleikari, Alfreð Erlingsson hljómborðsleikari, Jón H. Engilbertsson gítarleikari og Hilmar Valgarðsson trommuleikari. Einnig léku með sveitinni á plötunni þeir Jónas Björnsson og Sigurður Jónsson á lúðra en…
Gult að innan var hljómsveit frá Ísafirði, starfandi 1987. Sveitin var skráð til leiks í Músíktilraunum um vorið en mætti ekki þegar til kom. Meðlimir hennar voru þá Vernharður Jósefsson gítarleikari, Hörður Einarsson bassaleikari, Hermann G. Hermannsson söngvari og Ingi Þ. Guðmundsson trommuleikari. Síðar sama ár átti Gult að innan efni á safnspólunum Snarl og…
Ekki fór mikið fyrir ísfirsku hljómsveitinni Jönu á sínum tíma en þeir vöktu þó nokkra athygli þegar sveitin keppti í hljómsveitakeppni í Húsafelli um verslunarmannahelgina 1970 og lenti þar í öðru sæti, þá hafði sveitin líklega verið starfandi í um eitt ár að minnsta kosti. Ekki finnast miklar upplýsingar um sveitina en sumarið 1969 voru…
Náð var hljómsveit frá Ísafirði en hún spilaði rokk í þyngri kantinum og var stofnuð 1968. Meðlimir sveitarinnar voru ungir að árum en þeir voru Rafn Jónsson trommuleikari (Rabbi), Örn Ingólfsson bassaleikari, Reynir Guðmundsson söngvari og Sigurður Rósi Sigurðsson gítarleikari. Svanfríður Arnórsdóttir (önnur heimild segir Ármannsdóttir) söngkona og Ásgeir Ásgeirsson orgelleikari komu síðar inn. Þegar…
Hljómsveitin Perlan var ísfirsk, starfandi 1967-69. Sveitin innihélt Rafn Jónsson trommara, Ásgeir Ásgeirsson bassaleikara, Guðmund Baldursson gítarleikara og Þráin Sigurðsson orgelleikara. Perlan var einhvers konar skólahljómsveit enda voru meðlimir hennar allir á grunnskólaaldri, og gekk hún um tíma undir nafninu Útför Rabba Jóns. Ekki liggja fyrir frekari upplýsingar um sveitina.
Ragnar H. Ragnar var þekktur tónlistarfrömuður á Ísafirði og telst vera ásamt Jónasi Tómassyni, fremstur til eflingar tónlistarlífs á árum áður vestra. Ragnar Hjálmarsson (Ragnar H. Ragnar) (f. 1898) ólst upp í S-Þingeyjasýslu og fluttist ungur til Kanada, þar nam hann m.a. píanóleik, hljómfræði og fleira, og vann ýmiss störf auk þess sem hann stjórnaði…
Hljómsveitin Sokkabandið frá Ísafirði er með allra fyrstu kvennasveitum sem starfað hafa á Íslandi en hún mun hafa verið starfandi á árunum 1982-85, sumar heimildir segja hana stofnaða fyrr. Stofnmeðlimir Sokkabandsins voru þær Ásthildur Cesil Þórðardóttir bassaleikari, Eygló Jónsdóttir gítarleikari og Oddný Sigurvinsdóttir gítarleikari en þær höfðu frumkvæði að stofnun sveitarinnar, síðan bættust við þær…
Bjartsýnismenn er hljómsveit frá Ísafirði skipuð þeim Sigurði Snorra Jónssyni söngvara, Helga Jóhanni Hilmarssyni gítarleikara, Guðmundi Heiðari Gunnarssyni hljómborðsleikara, Óla Pétri Jakobssyni bassaleikara og Einari Ársæli Hrafnssyni trommuleikara. Þannig skipuð átti sveitin lag á safnplötunni Húsið sem kom út 1991. Ekki liggja fyrir frekari upplýsingar um þessa hljómsveit.
Sunnukórinn á Ísafirði er einn elsti starfandi blandaði kór landsins og hefur starfað samfleytt frá árinu 1934. Kórinn var stofnaður að frumkvæði þriggja mektarmanna á Ísafirði, þeirra Jónasar Tómassonar tónskálds og organista, Sigurgeirs Sigurðssonar sóknarprests og síðar biskups og Elíasar J. Pálssonar kaupmanns snemma árs 1934 en þeir höfðu fyrst rætt um stofnun kórs um…
Hljómsveitin Útför Rabba starfaði á Ísafirði á áttunda áratugnum, en sveitin hét áður Perlan. Rafn Jónsson var trommuleikari í henni en ekki liggur fyrir hverjir aðrir voru meðlimir sveitarinnar, eða um tilvist hennar almennt.
