Afmælisbarn dagsins í tónlistargeiranum er eftirfarandi: Kristján Freyr Halldórsson trommuleikari frá Hnífsdal er fjörutíu og eins árs gamall í dag. Kristján hefur leikið með ótal hljómsveitum, fyrst vestra en síðar á höfuðborgarsvæðinu. Meðal sveita hans má nefna Níkagagva group, Homebreakers, Geirfuglunum, Miðnes, Prinspóló, Reykjavík! og Dr. Gunna. Kristján hefur einnig komið að tónlist með öðrum…
Þrjú afmælisbörn úr tónlistargeiranum koma við sögu í dag: Eva Mjöll Ingólfsdóttir fiðluleikari á fimmtíu og fjögurra ára afmæli. Hún er af miklum tónlistarættum, nam fiðluleik hér heima á Íslandi áður en hún hélt til Belgíu, Sviss og Hollands til framhaldsnáms, hún menntaði sig einnig í Bandaríkjunum í tónsmíðum og hljómsveitastjórnun. Tvær plötur hafa komið…
Í dag er eitt tónlistartengt afmælisbarn á skrá Glatkistunnar: Inga (Jónína) Backman sópran söngkona frá Akranesi er sextíu og átta ára gömul á þessum degi. Inga hóf ekki söngnám fyrr en hún komst á fertugsaldur og lauk söngkennaraprófi árið 1988, en hefur síðar fengist einkum við kirkjulegan söng en einnig ljóða- og óperusöng. Hún hefur…
Aðeins eitt afmælisbarn kemur við sögu í dag: Helgi Júlíusson (1918-94) úrsmiður og söngvari á Akranesi átti þennan afmælisdag en hann var einn þeirra söngvara sem skipuðu sönghópinn Skagakvartettinn á árunum 1969-94. Skagakvartettinn gaf út plötu 1976 sem naut mikilla vinsælda á sínum tíma og muna margir lögum eins og Umbarassa, Skagamenn skoruðu mörkin og…
Í dag er eitt tónlistartengt afmælisbarn á skrá Glatkistunnar: Örn Árnason leikari og skemmtikraftur er fimmtíu og sjö ára gamall en hann er einnig kunnur söngvari og hefur bæði sungið inn á fjölmargar plötur tengdar leiksýningum auk annars konar platna. Hann hefur til að mynda verið í hlutverki sögumanns og sungið á plötum sem Afi…
Afmælisbörn dagsins eru tvö að þessu sinni: Ólafur Hólm (Einarsson) trymbill er fjörutíu og sex ára gamall á þessum degi. Ólafur hefur um árabil verið trommuleikari hljómsveitarinnar Nýdanskrar en hann hefur leikið með ótal öðrum sveitum, þeirra á meðal eru Todmobile, Tweety, Burkina Faso og Dægurlagacombó Jóns Ólafssonar. Ólafur hefur einnig komið við sögu á…
Hljómsveitin Pinkowitz fór ekki hátt á meðan hún starfaði en afrekaði þó að koma við sögu á fjögurra laga plötu sem út kom haustið 1989. Pinkowitz var stofnuð snemma hausts 1988 í Menntaskólanum í Reykjavík og fór ekki mikið fyrir henni, sveitin lék þó í nokkur skipti opinberlega um veturinn 1988-89. Um vorið 1989 var…
Pjetur og Úlfarnir – “Plataðir” Hó! Eddi, halló, það er síminn [ep] Útgefandi: Festi Útgáfunúmer: Festi 001 Ár: 1978 1. Stjáni saxafónn 2. Where no plants grows 3. Borðstofubúkí 4. La Cartera Negra Flytjendur: Kristján Sigurmundsson – gítar Kjartan Ólafsson – söngur og bassi Pétur Jónasson – gítar Eggert Pálsson – trommur Stefán Stefánsson –…
Hljómsveitin Pjetur og Úlfarnir var upphaflega eins konar menntaskólaflipp, gaf síðan út stórsmellinn Stjána saxafón og hefur starfað með hléum síðan. Pjetur og Úlfarnir var stofnuð í Menntaskólanum við Hamrahlíð í kjölfar kennaraverkfalls 1977 og lék framan af eingöngu á samkomum innan skólans. Á einu slíku balli sem haldið var í félagsheimilinu Festi í Grindavík…
Veggfóður: erótísk ástarsaga – úr kvikmynd Útgefandi: Kvikmyndafélag Íslands Útgáfunúmer: KÍCD 1 Ár: 1992 1. Máni Svavarsson – Upphaf 2. Pís of keik – Árás 3. Síðan skein sól – Ég sé epli 4. Pís of keik – Fiðrildi og ljón 5. Sálin hans Jóns Míns – Brosið blíða 6. Pís of keik – Amonra…
Danstónlist Pís of keik var áberandi á fyrstu árum tíunda áratugarins og átti sveitin nokkur lög á safnplötum og kvikmynd sem vöktu athygli en þegar breiðskífa kom út fjaraði undan henni. Pís of keik var verkefni Mána Svavarssonar (Gests og Ellyjar Vilhjálms) og Júlíusar Kemp kvikmyndagerðamanns en þeir félagar fengu til liðs við sig söngkonuna…
Pinkowitz – Tóm ást [ep] Útgefandi: Smekkleysa Útgáfunúmer: sm/hf 016 Ár: 1989 1. Tvö þúsund og nítján 2. Stjörnuvalsinn 3. Tóm ást 4. Stjörnuvalsinn instr. Flytjendur: Páll Garðarson – saxófónn og hljómborð Jón Oddur Guðmundsson – söngur Frank Þ. Hall – gítar Ingólfur A. Magnússon – hljómborð Eiríkur Þórleifsson – bassi Kjartan Guðnason – slagverk
Hljómsveitin Plast var skammlíf rokksveit sem starfaði 1992 og 93. Hún var hugsanlega frá Akranesi. Meðlimir Plasts voru Jón Bentsson bassaleikari, Logi Guðmundsson trommuleikari, Ólafur Friðriksson gítarleikari og Þorbergur Viðarsson söngvari. Plast var ekki áberandi þann tíma sem hún starfaði en sendi þó frá sér þrjú lög sem komu út á safnsnældunni Strump 2 árið…
Hljómsveitin Plantan starfaði um nokkurra ára skeið á tímum hipparokks, ekki liggur fyrir nákvæmlega hvers kyns tónlist sveitin framreiddi en það hefur þó verið í ætt við blues og soul. Meðlimir sveitarinnar í upphafi voru Viðar Jónsson gítarleikari, Guðni Sigurðsson trompet- og orgelleikari, Þórður Clausen Þórðarson trommuleikari og Guðmundur Sigurðsson bassaleikari og söngvari. Guðni og…
PKK – Sumar á Írlandi Útgefandi: Gránufélagið Útgáfunúmer: PKK cd 01 Ár: 1996 1. I tell me ma 2. Black velvet band 3. Stemma 1 4. Mormond braes 5. Dicey Reilly 6. Whiskey on a sunday 7. Stemma 2 8. Raggle taggle gipsy 9. Eileen og’ 10. Traveller 11. Stone outside Dan Murphys door 12.…
Akureyska hljómsveitin PKK var upp á sitt besta í kringum síðustu aldamót og var lengi eins konar húshljómsveit á veitingastaðnum Við pollinn. PKK nafnið kemur fyrst upp í fjölmiðlum vorið 1996, en áður höfðu þeir félagar, Pétur Steinar Hallgrímsson söngvari og gítarleikari og Kristján Ólafur Jónsson bassaleikari, byrjað sem dúettinn PK en þeir höfðu enn…
Tvö afmælisbörn eru á skrá Glatkistunnar á þessum annars ágæta þjóðhátíðardegi Íslendinga: Magnús Stefánsson trommuleikari frá Raufarhöfn er fimmtíu og sjö ára gamall á þessum degi. Magnús lék á sínum tíma með mörgum misþekktum hljómsveitum og voru Utangarðsmenn, Egó, Sálin hans Jóns míns, Maó, Skuggar, Tíbet tabú, Jenný og Bodies meðal þeirra. Magnús hefur í…
Þrjú afmælisbörn dagsins eru öll látin: Fyrst ber að nefna tónlistarfrumkvöðulinn Olufu Finsen (1836-1908) en hún var landshöfðingjafrú sem bjó hérlendis um tveggja áratuga skeið. Á þeim tíma fór hún mikinn í íslensku tónlistarlífi, stofnaði hér kóra og æfði á heimili sínu, kenndi tónlist og varð aðal hvatamaður þess að Jónas Helgason síðar Dómorganisti fór…
Í dag eru tvö afmælisbörn á listanum: Athafnamaðurinn Sigurjón Sighvatsson (iðulega kallaður Kútur hér áður fyrr) er sextíu og fjögurra ára gamall. Sigurjón var þekktur bassaleikari á tímum bítla og blómabarna og lék þá í hljómsveitum eins og Kjörnum, Mods, Falcon, Flowers, Ævintýri, Brimkló og Þokkabót áður en hann hélt til náms í Bandaríkjunum þar…
Fjögur afmælisbörn eru á skrá Glatkistunnar að þessu sinni: Steinunn Harðardóttir er fyrsta afmælisbarnið á listanum en hún er tuttugu og níu ára gömul á þessum degi. Steinunn hefur verið í hljómsveitum og verkefnum eins og Sparkle poison, Fushigi four og Skelki í bringu en er að sjálfsögðu þekktust sem Dj flugvél og geimskip og…
Hvorki fleiri né færri en fimm afmælisbörn eru á lista Glatkistunnar í dag: Bjartmar A. Guðlaugsson tónlistarmaður og listmálari er sextíu og fjögurra ára. Bjartmar þekkja allir og lög hans og texta en hann hefur gefið út á annan tug sólóplatna og í félagi við aðra, lög eins og Fimmtán ára á föstu, Sumarliði er…
Tvö afmælisbörn eru á skrá Glatkistunnar að þessu sinni: Jakob Smári Magnússon bassaleikari er fimmtíu og tveggja ára gamall á þessum degi. Jakob hóf sinn feril með hljómsveitum eins og Tappa tíkarass og Das Kapital en síðar lék hann með Síðan skein sól / SSSól, Grafík, Todmobile og Pláhnetunni svo einungis fáeinar af þeim þekktustu…
Í dag eru afmælisbörn Glatkistunnar tvö: Jón Þór Hannesson framleiðandi er sjötíu og tveggja ára gamall í dag. Hann hóf sinn tónlistartengda feril með rekstri ólöglegrar útvarpsstöðvar 1962 ásamt Pétri Steingrímssyni og var handtekinn fyrir uppátækið. Jón Þór var einnig í hljómsveitinni Tónum um miðjan sjöunda áratuginn áður en hann sneri sér upptökufræðum, þar sem…
Fjögur afmælisbörn koma við sögu hjá Glatkistunni á þessum degi: Hugi Guðmundsson tónskáld er þrjátíu og níu ára gamall, hann nam tónsmíðar hér heima, auk mastersgráða í Danmörku og Hollandi og hefur unnið til ýmissa verðlauna og viðurkenninga fyrir verk sín, m.a. á Íslensku tónlistarverðlaununum í flokki sígildrar og samtímatónlistar. Hugi hefur starfað með ýmsum…
Glatkistan hefur þrjú afmælisbörn á skrá í dag sem eitthvað hafa með tónlist að gera: Guðni Már Henningsson útvarpsmaður með meiru, ljóðskáld og tónlistarmaður er sextíu og fjögurra ára í dag. Guðni Már hefur starfað við vinsældir hjá Ríkisútvarpinu í áratugi og hefur náð eins konar trúnaðarsambandi við marga af þeim hlustendum sem hlusta á…
Pig face var hljómsveit sem var að öllum líkindum starfandi í Kópvogi 1983 eða jafnvel örlítið fyrr. Engar upplýsingar er að finna um þessa sveit aðrar en að Steinn Skaptason var í henni annað hvort sem bassa- eða trommuleikari.
Piflonkyd (einnig nefnd Piflon kid í fjölmiðlum) starfaði á Akureyri um tíma en sveitin var skipuð meðlimum á menntaskólaaldri. Meðlimir voru Hjörvar Pétursson söngvari, Magnús Guðmundsson gítarleikari, Oddur Árnason gítarleikari, Ómar Árnason trommuleikari og Ásbjörn Blöndal bassaleikari. Nafn sveitarinnar kom þannig til stöfununum úr hljómsveitarnafninu Pink Floyd var ruglað svo úr varð Piflonkyd. Þeir félagar…
Hljómsveitin Piccalo var sveit nokkurra mennskælinga í Reykjavík veturinn 1975-76 og verður varla minnst fyrir annað en að vera fyrsta hljómsveit Eiríks Haukssonar. Sveitarinnar er fyrst getið haustið 1975 í fjölmiðlum og síðast er hún auglýst fyrir áramótadansleik svo gera má ráð fyrir að hún hafi starfað fram á 1976. Meðlimir Piccolo voru áðurnefndur Eiríkur…
Picasso var ein þeirra hljómsveita sem kennd var við Pétur Kristjánsson en sveitin var sú síðasta í röð nokkurra sem höfðu stafinn P að upphafsstaf. Picasso var stofnuð vorið 1979, fljótlega eftir að Póker lagði upp laupana. Það var aldrei ætlunin að sveitin yrði langlíf enda varð hún það ekki, Pétur var á þessum tíma…
Piltur & stúlka – Endist varla Útgefandi: Tónsmiðja Tómasar og Ingunnar Útgáfunúmer: CD 007 Ár: 1995 1. Endist varla 2. Söngur næturdrottningarinnar 3. Einleikur 4. Mér líður 5. Töfrar dagsins 6. Manstu 7. Hugarsmuga 8. Fallin fegurð 9. Heimsmaður, hirðfífl 10. Söngur um tengsl 11. Þau trúa 12. Brenndar brýr 13. Gereikkaðíessu; aukalag Flytjendur: Ingunn…
Tvíeykið Tómas Hermannsson og Ingunn Gylfadóttir sendu frá sér eina breiðskífu undir heitinu Piltur & stúlka haustið 1995 en platan vakti nokkra athygli. Tómas (f. 1971) og Ingunn (f. 1969) voru par á sínum tíma en höfðu hafið eiginlegt tónlistarsamstarf með þátttöku í undankeppni Eurovision keppninnar haustið 1991 fyrir keppnina sem haldin var 1992. Þar…
Tvö tónlistartengd afmælisbörn koma við sögu Glatkistunnar í dag: Sindri (Þórsson) Eldon er þrítugur í dag og á því stórafmæli. Sindri hefur gefið út sólóplötuna Bitter and resentful en hann hefur verið viðloðandi tónlist með einum eða öðrum hætti nánast frá fæðingu, mest í hljómsveitum en þeirra á meðal má nefna Dáðadrengi, Slugs, Desidiu, Dynamo…
Í dag eru afmælisbörn á skrá Glatkistunnar tvö talsins en þau eru eftirfarandi: Tvíburabræðurnir Kristinn og Guðlaugur Júníussynir eru fertugir á þessum annars ágæta degi en þeir eru eins og kunnugt er af mikilli tónlistarfjölskyldu. Þeir bræður hafa mikið unnið saman í tónlist sinni, voru í hljómsveitum eins og Tjalz Gissur, Vinyl (Vínyll), Lace, Jet…
Þrjú afmælisbörn eru á lista Glatkistunnar á þessum degi: Bubbi Morthens (Ásbjörn Kristinsson) á stórafmæli en hann er sextugur í dag. Honum skaut á stjörnuhimininn með eftirminnilegum hætti 1980 þegar hann spratt fram með hljómsveitinni Utangarðsmönnum og sólóplötu um svipað leyti. Í kjölfarið fylgdu sólóplötur sem skipta um fjórum tugum auk hljómsveita sem flestar hafa…
Í dag eru afmælisbörnin fimm talsins: Fyrstan skal telja Einar Val Scheving trommuleikara og tónskáld en hann er fjörutíu og þriggja ára. Einar sem hefur leikið á ógrynni platna annarra tónlistarmanna, hefur einnig starfað með hljómsveitum eins og Stórsveit Reykjavíkur, Atlantshafsbandalaginu, Icelandic All Star Jazzband og Gleðigjöfunum auk margra annarra. Hann hefur ennfremur gefið út þrjár…
Afmælisbörn dagsins á Glatkistunni að þessu sinni eru þrjú talsins: Jörundur (Arnar) Guðmundsson eftirherma og skemmtikraftur er sextíu og níu ára gamall í dag. Jörundur fór mikinn í skemmtanabransanum einkum á áttunda og níunda áratug liðinnar aldar þar sem hann skemmti með eftirhermu- og skemmtanaprógrammi sínu um land allt. Hann gaf ennfremur út plötu á sínum…
Enn bætist í gagnagrunn Glatkistunnar en um þrjátíu og fimm flytjendur tónlistar bættust í hann í maímánuði. Sem fyrr er þar bæði um að ræða einstaklinga og hljómsveitir auk kóra og annarra flytjenda en meðal þekktra nafna má nefna Pétur Kristjánsson söngvara, Pál Ísólfsson tónskáld, Pál Kr. Pálsson orgelleikara, Pétur Á. Jónsson óperusöngvara og Pál…
Tvö tónlistartengd afmælisbörn koma við sögu á vef Glatkistunnar í dag: Þorgeir Ástvaldsson mannfræðingur og dagskrárgerðarmaður er fyrra afmælisbarn dagsins, sextíu og sex ára gamall. Hann varð þekktur strax á barnsaldri þegar hann lék með hljómsveitinni Tempó sem hitaði meðal annars upp fyrir bresku sveitina Kinks þegar þeir komu til landsins um miðjan sjöunda áratug…
Hljómsveitin Hráefni sendi nýlega frá sér smáskífu með frumsömdu blúsrokki. Á plötunni er að finna þrjú lög eftir meðlimi sveitarinnar við texta Valdimars Arnar Flygenring söngvara hennar. Hráefni er skipuð auk Valdimars sem syngur og leikur á gítar, þeim Þorleifi Guðjónssyni bassaleikara, Bergþóri Morthens gítarleikara og Þórdísi Claessen trommuleikara en auk þeirra koma fram á…
Á þessum fyrsta degi júnímánaðar eru þrjú afmælisbörn á skrá Glatkistunnar: Jón Örn Arnarson trommuleikari Jet Black Joe og Ensíma er fjörutíu og tveggja í dag. Jón Örn var nokkuð áberandi á tíunda áratugnum með sveitunum tveimur, fyrst með Jet Black Joe og síðan Ensími en báðar sveitirnar nutu mikilla vinsælda á sínum tíma. Síðar…
The Phobic var einsmannssveit sem átti lag á safnplötunni Sándkurl 2 en sú plata kom út 1995. Það var Arnþór Snær Sævarsson sem kallaði sig þessu nafni en hann lék á hljómborð og forritaði, honum til aðstoðar á plötunni var Bragi Ingiberg Ólafsson saxófónleikari (B.I.O.).
Hljómsveitin Phobia var stofnuð í upphafi árs 1998 en ekki liggur fyrir hversu lengi hún starfaði. Phobia var Metallicu coverband og meðal meðlima sveitarinnar voru Valdi Olsen gítarleikari [?], Ólafur Ásgeirsson trommuleikari og Freyr [?] bassaleikari [?], ekki er vitað um fleiri meðlimi sveitarinnar. Allar nánari upplýsingar um Phobiu eru vel þegnar.
Hljómsveitin Phobia var skammlíf sveit, stofnuð haustið 1983 upp úr Nefrennsli sem þá hafði lagt upp laupana. Stofnmeðlimir Phobiu, sem fyrstu vikurnar gekk undir nafninu Panic, voru Hannes A. Jónsson trommuleikari og Sigurbjörn R. Úlfarsson bassaleikari en þeir fengu fljótlega til liðs við sig Ögmund [?] söngvara og gítarleikara. Í lok ársins hafði söngkonan Rósa…
Nafn Péturs Sigurðssonar tónskálds er ekki vel þekkt utan Skagafjarðar en hann hafði mikil áhrif á tónlistarlíf á heimaslóðum nyrðra. Pétur fæddist 1899 og bjó alla tíð í Skagafirðinum, hann var bóndasonur, nam húsasmíði og starfaði einkum við brúarsmíði. Hann hlaut ekki tónlistaruppeldi sem neinu næmi en hlaut þó einhverja tilsögn á harmonium, að öðru…
Þrjú tónlistartengd afmælisbörn koma við sögu hjá Glatkistunni í dag: Kjartan Valdemarsson píanó- og hljómborðsleikari er fjörutíu og níu ára í dag. Kjartan er fjölhæfur tónlistarmaður og hefur leikið á fjölda poppplatna allt frá árinu 1984 þegar fyrst heyrðist til hans á safnplötum, hann hefur verið í mörgum þekktum hljómsveitum eins og Todmobile en í…
Afmælisbörn Glatkistunnar eru tvö talsins að þessu sinni: Jónas Ingimundarson píanóleikari er sjötíu og tveggja ára í dag. Hann nam píanóleik, fyrst hér heima en síðan í Austurríki, og hefur starfað sem píanóleikari, kórstjórnandi og píanókennari síðan. Píanóleik hans má heyra á fjölmörgum plötum, þar af nokkrum sólóplötum. Jónas hefur ennfremur hlotið ýmsar viðurkenningar fyrir…
Pétur Pétursson þulur eins og hann var iðulega nefndur átti stóran þátt í að móta íslenskt útvarp og útvarpshefðir, sem enn í dag eru sumar hverjar í fullu gildi hjá Ríkisútvarpinu. Fáir hafa haft jafn mikil áhrif á tónlistarsmekk og -uppeldi heillar þjóðar og Pétur enda blandaði hann daglega lagakokteil fyrir útvarpshlustendur í áratugi áður…
Pétur Kristjánsson [ep] Útgefandi: Laufútgáfan Útgáfunúmer: PK 200 Ár: 1970 1. Blómið sem dó 2. Vitskert veröld Flytjendur: Pétur Kristjánsson – söngur og bassi Gunnar Jökull Hákonarson – trommur Einar Vilberg – gítar Pétur Kristjánsson – Bardagi um sál / Wonderland of Eden [óútgefin ep] Útgefandi: Laufútgáfan Útgáfunúmer: [útgáfunúmer óþekkt] Ár: 1970 1. Bardagi…
Fáir höfðu jafn mikil áhrif á íslenskra poppsögu á áttunda áratug síðustu aldar og Pétur W. Kristjánsson eða Pétur poppari eins og hann var oft nefndur, hver hljómsveitin á fætur annarri með hann í broddi fylkingar fyllti ballhúsin um land allt og seldi plötur í bílförmum. Allir eru sammála um að Pétur féll frá alltof…
Nafn Péturs Guðjohnsen er ekki meðal þeirra þekktustu í tónlistargeiranum en fáir hafa þó líklega haft meiri áhrif á sönglistina hérlendis en hann. Pétur (Guðjónsson) fæddist að Hrafnagili í Eyjafirði haustið 1812 og ólst upp fyrir norðan. Það var í raun fátt sem benti til að hann myndi starfa við eitthvað sem tengdist tónlist en…
