Hljómsveitin Rasp var starfrækt á árunum 2007 og 2008 að minnsta kosti en upplýsingar um þessa sveit eru afar takmarkaðar – svo virðist sem sveitin hafi haft einhverja tengingu við Samhjálp.

Meðlimir hljómsveitarinnar virðast hafa verið þeir Guðni Már Henningsson slagverksleikari, Halldór Lárusson söngvari og kassagítarleikari, Heiðar Guðnason söngvari, Kristinn P. Birgisson söngvari, Vilhjálmur Svan söngvari, Þórir Haraldsson hljómborðsleikari og G. Theodór Birgisson söngvari. Einnig virðast Ágúst Böðvarsson bassaleikari, Símon Hjaltason gítarleikari og Hjalti Þórisson trommuleikari hafa verið meðlimir Rasps á einhverjum tímapunkti en frekari upplýsingar er ekki að finna um þessa fjölmennu hljómsveit.