H.G. kvartettinn á Sauðárkróki

Sauðárkrókur hafði sína eigin danshljómsveit um og upp úr 1950 en hljómsveit Harðar Guðmundssonar eða H.G. kvartett (kvintett þegar þeir voru fimm) eins og hún var oftast kölluð starfaði á árunum 1952 til 61, og líklega lengur – upplýsingar þess efnis vantar. Sveitin lék oft á Sæluviku þeirra Skagfirðinga á Sauðárkróki.

H.G. kvartettinn var ein allra fyrsta „fullmannaða“ hljómsveitin sem starfaði á landsbyggðinni en meðlimir hennar voru þeir Jónas Þór Pálsson [trommuleikari?], Haukur Þorsteinsson [saxófónleikari?], Steini Hannesar [Hafsteinn Hannesson bassaleikari?], Ögmundur Eyþór Svavarsson píanóleikari og Hörður Guðmundsson klarinettu- og harmonikkuleikari sem var hljómsveitarstjóri enda var sveitin kennd við hann.