Hjónabandsglæpatríóið var lítil hljómsveit sem virðist hafa verið stofnuð utan um sýningar Þjóðleikhússins á leikritinu Hjónabandsglæpum e. Eric-Emmanuel Schmitt í leikstjórn Eddu Heiðrúnar Backman í Kassanum árið 2007.

Tríóið var skipað þeim Óskari Guðjónssyni saxófónleikara, Kjartani Valdemarssyni píanóleikara og Matthíasi M.D. Hemstock trommuleikara, sem komu fram í sýningum á verkinu en þeim lauk um haustið 2007. Fyrir liggur að þeir félagar hljóðrituðu efnið sem þeir fluttu í verkinu en engar upplýsingar liggja fyrir um útgáfu þess.

Sögu Hjónabandsglæpatríósins var ekki alveg lokið þegar sýningum lauk því sveitin kom fram í fáein skipti á djasskvöldum árið 2008.