Hljómsveit Trausta Thorberg

Gítarleikarinn Trausti Thorberg starfrækti um nokkurra mánaða skeið hljómsveit í eigin nafni sem lék á skemmtistaðnum Röðli frá vorinu 1964 og fram á haust.

Sigurdór Sigurdórsson var söngvari hljómsveitarinnar frá upphafi en einnig söng Marta Phillips um tíma með henni fyrst um sinn, Helga Sigþórsdóttir kom svo um mitt sumar og söng með sveitinni ásamt Sigurdóri þar til hún hætti störfum um miðjan september. Meðlimir Hljómsveitar Trausta Thorberg voru þeir Sverrir Garðarsson trommuleikari, Guðmundur Ingólfsson píanóleikari, Edwin Kaaber bassaleikari og hljómsveitarstjórinn Trausti sem lék á gítar sem áður segir.