Ekki er mikið vitað um söngfélag eða kór sem líklega var kallað Söngflokkur Akureyrarbúa en sá söngflokkur starfaði á árunum 1880 til 88 undir stjórn Magnúsar Einarssonar organista, líkast til þó ekki samfleytt því Magnús bjó á Húsavík á árunum 1881-86. Einhver annar gæti þó hafa tekið við hans starfi á meðan.

Haustið 1888 varð söngfélagið Gígjan til, líklega við sameiningu Söngflokks Akureyrarbúa og Söngfélags Oddeyrar en fleiri söngfélög gætu einnig hafa komið þar við sögu. Magnús stjórnaði hinu nýja söngfélagi einnig.