Haustið 1989 hélt Lionsklúbburinn á Bíldudal dansleik og þar lék hljómsveit sem sett var sérstaklega saman fyrir þann eina viðburð, sveitin hlaut nafnið Heimatilbúna hljómsveitin og tók eina æfingu áður en talið var í á þessu fyrsta og eina balli sveitarinnar.

Meðlimir Heimatilbúnu hljómsveitarinnar voru þeir Bjarni Þór Sigurðsson gítar- og bassaleikari, Gísli Ragnar Bjarnason gítar- og bassaleikari, Ragnar Jónsson hljómborðsleikari, Sverrir Garðarsson söngvari, Viðar Örn Ástvaldsson trommuleikari og Þórarinn Hannesson söngvari.