Afmælisbarn dagsins er eftirfarandi: Friðrik G. Sturluson bassaleikari frá Búðardal á stórafmæli en hann er fimmtugur á þessum degi. Friðrik hafði leikið með ýmsum hljómsveitum s.s. Hendingu, Suðvestan hvassviðri og Mao áður en leið hans lá í Sálina hans Jóns míns en með þeirri sveit hefur hann gert garðinn hvað frægastan síðan. Friðrik hefur einnig…
Rétt er að vekja athygli á að upplýsingar um allar plötur stórsöngvarans Ragnars Bjarnasonar (Ragga Bjarna) eru nú komnar í gagnagrunn Glatkistunnar, eða um fimmtíu talsins. Segja má að söngferill Ragnars spanni allar tegundur útgáfuformsins en fyrstu plötur hans komu út á 78 snúninga plötum (1954), næst komu 45 snúninga plöturnar til sögunnar, þá breiðskífurnar…
Við setningu Blúshátíðar í Reykjavík 2015 sl. laugardag, var Sigurður Sigurðsson munnhörpuleikari og söngvari útnefndur heiðursfélagi Blúsfélags Reykjavíkur. Sigurður hefur verið áberandi í íslenskri blústónlist áratugum saman, hann var söngvari og blés í munnhörpu með hljómsveitinni Kentár (Centaur) sem stofnuð var árið 1982. Kentár var öflug tónleikasveit sem kom með ferska strauma inn í blúslíf landsmanna.…
Eitt afmælisbarn er á skrá Glatkistunnar að þessu sinni: Stefán Örn Arnarson sellóleikari er 46 ára gamall, hann nam hér heima og í Bandaríkjunum og gaf út plötu árið 1996 með verkum úr ýmsum áttum, þar sem sellóið er í aðalhlutverki. Sellóleik hans er einnig að finna á plötum ýmissa tónlistarmanna eins og títt er…
Aðeins eitt afmælisbarn er skráð á þessum gabbdegi: Andri Hrannar Einarsson trommuleikari hljómsveitarinnar Áttavilltar er 46 ára gamall í dag. Andri var einnig viðloðandi sveitir eins og KFUM & the andskotans, Langbrók, Saga Class og Silfur. Andri er frá Siglufirði og þar elur hann manninn einmitt í dag, annast dagskrárgerð í útvarpi og starfar í…
Á þessum síðasta degi mars mánaðar eru þrjú afmælisbörn á skrá Glatkistunnar: Hreiðar Ingi Þorsteinsson tónskáld frá Stykkishólmi er 37 ára, hann hefur samið fjöldann allan af lögum, t.d. fyrir Pál Óskar og Moniku Abenroth en einnig kom út plata með Hólmfríði Jóhannesdóttur þar sem hún söng lög Hreiðars. Hreiðar er einnig menntaður píanóleikari og…
Afmælisbörnin í dag eru þrjú talsins: Páll Torfi Önundarson læknir og tónlistarmaður er sextugur á þesum mánudegi. Hann varð þekktur sem gítarleikari í Diabolus in musica á áttunda áratugnum en hefur einnig leikið í sveitum eins og Grasrexi, Combói Jóhönnu Þórhalls, Six pack lation, Saltfisksveit Villa Valla og Síríusi. Páll Torfi er einnig tónskáld og…
Tvö afmælisbörn dagins eru eftirfarandi: Þórir Baldursson hljómborðsleikari er 71 árs. Hann er frá Keflavík og tilheyrir þeirri kynslóð þaðan sem markaði bítlaslóðir hérlendis, hann var þó meira í þjóðlagastílnum í upphafi. Þórir bjó lengi og starfaði að tónlist sinni í Þýskalandi, Bandaríkjunum og miklu víðar, með tónlistarfólki eins og Donnu Summer, Giorgio Moroder, Grace…
Blúshátíð í Reykjavík 2015 hefst í dag með pompi og prakt en þá verða ýmsar uppákomur í miðbænum tengdar hátíðinni. Fyrst ber að nefna Blúsdjamm þar sem valinkunni eðalblúsarar hita upp fyrir blúshátíðina á Bókatorginu við aðalinngang Borgarbókasafnsins í Grófinni klukkan 16, aðgangur er ókeypis. Blúsvagn hefur ennfremur verið ræstur í Borgarbókasafninu og mun hann…
Tvö afmælisbörn koma við tónlistarsögu þessa dags: Jón frá Ljárskógum (Jón Jónsson) söngvari og ljóðskáld hefði átt afmæli en hann fæddist á þessum degi árið 1914. Jón er þekktastur fyrir framlag sitt með MA-kvartettnum sem hann söng með um árabil og naut mikilla vinsælda fyrir, kvartettinn gaf út fjöldann allan af plötum sem seldust jafnharðan…
Afmælisbarn Glatkistunnar í dag er aðeins eitt: Þórarinn Guðmundsson fiðluleikari og tónskáld (1896-1979) átti afmæli á þessum degi en hann er á margan hátt frumkvöðull í tónlistarsögu Íslands. Hann varð fyrstur Íslendinga til að læra á fiðlu, fór til þess fjórtán ára til Danmerkur og nokkru síðar í framhaldsnám til Þýskalands. Hér heima kenndi hann…
Eitt afmælisbarn lítur dagsins ljós á Glatkistunni í dag: Hafnfirðingurinn Starri Sigurðarson bassaleikari Jet Black Joe og Nabblastrengja er 41 árs gamall. Starri hefur leikið með Jet Black Joe nánast frá upphafi en með Nabblastrengjum reis ferill hans hæst er þeir félagarnir sigruðu Músíktilraunir Tónabæjar, þá ungir að árum.
Blúshátíð í Reykjavík hefst nú um helgina með Blúsdegi í miðborginni. Þá verður tilkynnt um val á heiðursfélaga Blúsfélags Reykjavíkur 2015 á Skólavörðustígnum, bílaklúbburinn Krúser verður með bílasýningu, auk þess sem boðið verður upp á grilluð svínarif, bacon, pylsur og uppákomur á stígnum milli klukkan 14 og 17 á laugardaginn, tónleikar verða á Borgarbókasafninu klukkan…
Tvö afmælisbörn eru skráð í dag: Garðar Olgeirsson harmonikkuleikarinn kunni er 72 ára. Fjórar plötur hafa komið út með honum þar sem hann leikur listir sínar á nikkuna og er þekktast laga hans Meira fjör á samnefndri plötu frá 1978. Hann hefur einnig leikið á plötum í félagi við aðra harmonikkuleikara. Akureyringurinn og prentarinn Finnur…
Í dag er eitt tónlistar afmælisbarn: Gylfi Kristinsson söngvari er 63 ára en honum skýtur reglulega upp í hinum ýmsu hljómsveitum. Gylfi var til að mynda í upphaflegu útgáfunni af Stuðmönnum sem einnig hefur verið kölluð Frummenn, og gaf út plötu fyrir nokkrum árum. Hann var ennfremur í sveitum eins og Rifsberju, Hassansmjöri (sem var einn…
Tónlistartengdu afmælisbörn Glatkistunnar eru tvö að þessu sinni: Eyþór Þorláksson gítarleikari er 85 ára, hans hljóðfæri voru harmonikka og bassi til að byrja með en eftir að hann byrjaði að leika á gítar varð ekki aftur snúið. Hann nam gítarleik á Spáni og Englandi og starfaði víða erlendis áður en hann kom heim til Íslands…
Í dag koma tvö afmælisbörn við sögu: Bergsveinn Arilíusson söngvari er 42 ára, hann var áberandi á árunum fyrir og um aldamótin og söng lengst af með Sóldögg en einnig með Pöpum. Áður hafði hann vakið athygli með Ðí Kommittments og Acid juice, og 1993 kom út platan Kærleikur sem hafði að geyma gömul lög…
Afmælisbörnin tónlistartengdu eru fjögur talsins í dag: Tónskáldið Finnur Torfi Stefánsson er 68 ára, hann hefur samið fjölbreytilega tónlist og má þar nefna óperu, hljómsveitaverk og verk fyrir einleikshljóðfæri, kammertónlist og rokk en á árum áður var hann í fjölmörgum hljómsveitum á tímum bítla og blómabarna. Þekktustu sveitir hans eru Óðmenn og 5-pence en einnig…
Þrjú tónlistartengd afmælisbörn koma við sögu dagsins: Fyrstan skal nefna Sigurð Björnsson óperusöngvara sem er 82 ára. Hann nam söng fyrst hér heima hjá Guðmundi Jónssyni, Kristni Hallssyni og fleirum en fór til framhaldsnáms í Þýskalandi, þar starfaði hann um árabil. Ein fjögurra laga plata með jólasálmum kom út hér heima með Sigurði um 1960.…
Afmælisbarn dagsins er eftirfarandi: Selfyssingurinn Einar (Þór) Bárðarson, oft nefndur umboðsmaður Íslands, er 43 ára. Einar hefur komið víða við í tónlistarlegum skilningi en þekktastur er hann þó fyrir umboðsmennsku fyrir Nylon. Hann hefur einnig sinnt umboðsmennsku fyrir ýmsa aðra, samið tónlist (m.a. Ertu þá farin? með Skítamóral og Eurovision framlagið Birta / Angel), haldið…
Tveir trommuleikarar koma að þessu sinni við sögu afmælisbarna dagsins: Ingólfur Sigurðsson trommuleikari er 45 ára. Hann er maður margra hljómsveita og starfar iðulega í mörgum í senn. Fyrsta sveit Ingólfs var líkast til hljómsveitin Chorus en síðan hafa þær komið í röðum og eftirfarandi runa er aðeins sýnishorn; Blátt áfram, Rauðir fletir, Orgill, SSSól,…
OF MONSTERS AND MEN tilkynna hér með að langþráð önnur breiðskífa þeirra sem hlotið hefur heitið Beneath The Skin mun koma út 8. júní á Íslandi á vegum Record Records. Þessi margrómaði kvintett frumflytur fyrstu smáskífuna „Crystals“ í dag á öldum ljósvakans sem og á Tónlist.is. Myndband með texta við lagið verður einnig gefið út…
Glatkistan hefur eitt afmælisbarn á takteinum í dag: Páll Óskar Hjálmtýsson söngvari hinn eini sanni er 45 ára gamall. Hann þarf vart að kynna en hann kom fyrst fram á sjónarsviðið á ævintýraplötum Gylfa Ægissonar, plötum Áhafnarinnar á Halastjörnunni og plötu með tónlistinni úr leikritinu Gúmmí Tarzan en allt þetta var þegar hann var enn…
Afmælisbarn dagsins er eitt að þessu sinni: Sigurður Halldór Guðmundsson hinn ótrúlega fjölhæfi tónlistarmaður er 37 ára en hann er í mörgum af þekktustu sveitum íslenskrar tónlistarsögu, þar má nefna hljómsveitir eins og Hjálma, Senuþjófana, Baggalút, Memfísmafíuna, Tregasveitina og Skuggasveina en hann hefur einnig sungið og leikið á hljóðfæri á tugum ef ekki hundruðum platna…
Í dag eru tvö tónlistartengd afmælisbörn: Bernharður St. Wilkinson (Bernard Wilkinson) stjórnandi og flautuleikari er 64 ára. Hann er Breti sem kom hingað til lands 1975 til að leika með Sinfóníuhljómsveit Íslands og hefur starfað hér meira og minna síðan, leikið inn á fjöldann allan af plötum og stjórnað hljómsveitum og kórum eins og Sinfóníuhljómsveit…
Nokkur afmælisbörn koma við sögu í dag: Karl Geirmundsson gítarleikari frá Ísafirði er 76 ára en hann lék í BG & Ingibjörgu með bróður sínum Baldri Geirmundssyni, en sú sveit gekk reyndar undir ýmsum nöfnum. Einnig lék Karl á sínum tíma með Hljómsveit Vilbergs Vilbergssonar (Villa Valla), Hljómsveit Björns R. Einarssonar og Lúdó & Stefáni,…
Á þessum degi er eitt tónlistartengt afmælisbarn á skrá Glatkistunnar: Hjördís Elín Lárusdóttir (Dísella) söngkona, hljómborðs- og trompetleikari er 38 ára gömul. Hún er ein Þriggja systra, dóttir Lárusar Pálssonar trompetleikara og hefur komið víða við sögu í tónleikahaldi og plötuútgáfu. Hún gaf t.d. út plötuna Solo noi árið 2007, söng ásamt systrum sínum á…
Afmælisbarn dagsins er eftirfarandi: Þuríður Pálsdóttir óperusöngkona er 88 ára gömul. Þuríður er dóttir Páls Ísólfssonar, lærði söng hér heima og síðan á Ítalíu og þar reis hennar söngferill einna hæst, þótt hún hefði alltaf sungið hér heima líka. Fjölmargar plötur komu út hér heima með söng hennar og var plata hennar, Jólasálmar t.a.m. fyrsta…
Á þessum degi koma fyrir fjögur afmælisbörn Hanna Valdís Guðmundsdóttir söngkona var ein af fyrstu barnastjörnunum og enn í dag heyrist reglulega lag hennar um Línu Langsokk, auk annarra. Hún var einnig ein af stúlkunum sem prýddi Sólskinskórinn og söng lagið Sól sól skín á mig, sem margir þekkja. Hanna Valdís er 53 ára. Búi…
Í dag koma við sögu tvö afmælisbörn úr tónlistargeiranum: Símon H. Ívarsson gítarleikari og kórstjórnandi er 64 ára gamall. Hann er kunnur gítarleikari, nam gítarleik og tónlistarkennarafræði hér heima auk þess að fara í framhaldsnám í Austurríki. Þrjár plötur hafa komið út með gítarleik hans, sú síðasta 2004. Símon var formaður Tónlistarbandalags Íslands um tíma.…
Tveir tónlistarmenn eiga afmæli í dag og eru í gagnabanka Glatkistunnar. Karl Hermannsson söngvari úr Keflavík er sjötugur á þessum merkisdegi en hann fæddist 1945. Fyrsta hljómsveit hans mun líklega hafa verið Skuggar en einnig var hann söngvari um tíma í Hljómum. Söngferil sinn lagði Karl að mestu á hilluna en söng hans má þó…
Í dag eru afmælisbörnin fjögur en tvö þeirra eru látin Jón Nordal tónskáld er 89 ára. Jón nam fyrst hér heima á píanó auk tónsmíða, héðan lá leið hans til Sviss og annarra landa áður en hann kom aftur heim seint á sjötta áratugnum. Jón hafði orðið fyrir áhrifum módernískra tónskálda og hér heima stefndi hugurinn…
Aðeins eitt afmælisbarn kemur fyrir í afmælisdagbók Glatkistunnar í dag: Ólafur Þ. Jónsson óperusöngvari hefði átt afmæli á þessum degi en hann lést árið 2012. Hann var fæddur 1936 og hefði því orðið 79 ára í dag. Ólafur nam söng og leik hér heima hjá Sigurði Demetz og fleiri söngkennurum áður en hann hélt til…
Þrír tónlistarmenn koma við afmælissögu í dag Guðbjörn Guðbjörnsson óperusöngvari er 53 ára en hann nam söng hér heima, í Þýskalandi og Sviss, og starfaði erlendis þar til hann sneri heim til Íslands. Hér heima hefur hann lítið fengist við söng síðustu árin, starfar sem yfirtollvörður en hefur reyndar kennt við Söngskóla Sigurðar Demetz. Þorvaldur Bjarni…
Afmælisbörn Glatkistunnar eru tvö á þessum degi: Fyrstan skal nefna Jón Bjarna Pétursson gítarleikara hljómsveitarinnar Diktu en hann kemur m.a. við sögu í hinu þekkta lagi Thank you, sem ómaði um allt land 2009 og 10. Jón Bjarni er 33 ára gamall. Einnig á bassaleikari hljómsveitarinnar Hjaltalín, Guðmundur Óskar Guðmundsson afmæli en hann er 28…
Þrjú afmælisbörn koma við sögu í dag: Árni Johnsen Vestmanneyingur og fyrrverandi alþingismaður er 71 árs. Hann var framarlega í þjóðlagasöngvaravakningunni um og upp úr 1970, m.a. í félagsskapnum Vikivaka og kom oft fram á samkomum því tengt. Hann var einnig hluti af Eyjaliðinu sem gaf út plötu til styrktar Vestmannaeyingum eftir gos, og hefur…
Afmælisbörnin eru þrjú talsins á þessum síðasta degi febrúarmánaðar: Fyrsta skal nefna Maríu Baldursdóttur söngkonu, hárgreiðslumeistara og fyrrum fegurðardrottningu Íslands en hún er 68 ára á þessum degi. María (sem er ekkja Rúnars Júlíussonar) hóf söngferil sinn með í Keflavík með Skuggum en söng síðar með Hljómsveit Guðmundar Ingólfssonar, Bluebirds, Heiðursmönnum, Geimsteini, Áhöfninni á Halastjörnunni…
Afmælisbarn dagsins er aðeins eitt í þetta skiptið: Ástgeir Ólafsson (Ási í Bæ) hefði átt afmæli á þessum degi en hundrað og eitt ár er liðið nú frá fæðingu hans. Ási í Bæ (1914-85) sýndi ungur hæfileika til að spila á ýmis hljóðfæri, lærði á þau nokkur og hóf að semja lög og texta. Mörg…
Fjörutíu nýjum flytjendum var rétt í þessu bætt inn í gagnagrunn Glatkistunnar, flesta þeirra er að finna undir O en eitthvað nýtt er einnig undir Ó, Ö, S o.fl. Meðal þess sem bæst hefur við eru upplýsingar um hljómsveitir og flytjendur eins og Orgil, Sauðfé á mjög undir högg að sækja í landi Reykjavíkur, Funk…
Í dag höfum við tvö afmælisbörn: Þorsteinn Eggertsson textaskáld, teiknari og tónlistarmaður er 73 ára gamall en þekktastur er hann fyrir textagerð sína, einkum frá áttunda áratug síðustu aldar. Hann samdi ógrynni dægurlagatexta sem flestir þekkja enn í dag en þar má nefna Slappaðu af, Ég elska alla og Er hann birtist, sem eru auðvitað…
Fimm afmælisbörn eiga þennan dag: Karl Jónatansson harmonikkuleikari er fyrstur á blaði en hann er hvorki meira né minna en 91 árs. Karl er frá Blikalóni á Melrakkasléttu þar sem mikil harmonikkuhefð ríkir, hann byrjaði tíu ára að leika á harmonikku opinberlega, fyrst einn síns liðs en síðar með hljómsveitum. Hann hefur gefið út fjölmargar…
Afmælisbörn dagsins: Baldvin Kristinn Baldvinsson baritónsöngvari og bóndi er 65 ára. Hann er annar Rangárbræðra (frá Rangá í Köldukinn) en þeir gáfu út plötu árið 1986, en einnig hefur Baldvin sungið einsöng með karlakórnum Hreimi á plötum sem kórinn hefur gefið út. Eftir Baldvin liggja tvær sólóplötur þar sem hann syngur lög úr ýmsum áttum. Jón…
Fjölmörg afmælisbörn eru skráð á þessum degi hjá Glatkistunni: Fyrstan skal telja Einar Ólafsson sem er 52 ára. Hans verður alltaf minnst fyrir framlag sitt, Þú vilt ganga þinn veg, sem hann söng barn að aldri. Einar var lítt viðloðandi tónlist eftir það, kom þó eitthvað við sögu hljómsveitanna Pass og Trípólí en hefur fengist…
Eitt afmælisbarn kemur við sögu í dag: Arnþór Kristján Jóhannes Jónsson (Addi rokk) er 82 ára en þessi skrautlegi tónlistarmaður og áhugaleikari kom víða við á ferli sínum. Hann var Elvis eftirherma og starfrækti Tónatríóið og Tónabræður í mörg ár auk þess að vera í sveitum eins og Jónsbörnum, Como og Ómum. Margir muna eftir…
Afmælisbörn dagsins eru tvö að þessu sinni: Ólöf Kolbrún Harðardóttir söngkona er 66 ára, hún nam söng við Tónlistarkóla Kópavogs og síðar í Þýskalandi, Ítalíu og Austurríki og þegar hún kom heim að námi loknu hóf hún að kenna söng auk þess að syngja, bæði opinberlega og á plötum. Hún hefur ætíð verið viðloðandi Kór Langholtskirkju…
Afmælisbörn dagsins eru eftirfarandi: Halldór Haraldsson píanóleikari er 78 ára. Hann nam hér heima og í London, hefur leikið með Sinfóníuhljómsveit Íslands, kennt á píanó og gegnt stöðu skólastjóra Tónlistarskólans í Reykjavík, gegnt ábyrgðarstörfum fyrir FÍT og önnur félagssamtök hér heima og erlendis svo fáein atriði séu tíunduð, hann hefur ennfremur hlotið fálkaorðuna og heiðursverðlaun…
Tvö afmælisbörn koma við sögu Glatkistunnar að þessu sinni: Magnús Ólafsson skemmtikraftur og söngvari (Bjössi bolla) er 69 ára en tónlistarferill hans er mun stærri en fólk gerir sér almennt fyrir. Hann ásamt Þorgeiri Ástvaldssyni söngvara, gaf út tvær plötur undir nöfnunum Hurðaskellir og Stúfur (og reyndar eina til undir eigin nöfnum) en einnig er…
Blúshátíð í Reykjavík 2015 verður haldin á Hilton Reykjavík Nordica við Suðurlandsbraut, dagana 28. mars. til 2. apríl nk. Hátíðin er helguð 100 ára fæðingarafmæli Muddy Waters og Wille Dixon. Aðalgestir hátíðarinnar eru: – Bob Margolin, blúsgítarleikari ársins 2005 og 2008. – Debbie Davis, blúsgítarleikari ársins 1997 og 2010. – Bob Stroger, bassaleikari ársins 2011 og 2013. –…
Afmælisbarnið er aðeins eitt í dag: Björn Thoroddsen gítarleikarinn kunni er 57 ára. Björn er upphaflega úr Hafnarfirðinum og var þar í fjölmörgum hljómsveitum áður en hann fór til Bandaríkjanna í framhaldsnám í gítarleik. Um það leyti er hann kom heim aftur sendi hann frá sér sína fyrstu plötu (1982) og síðan hefur hann gefið…
Að þessu sinni eru tvö afmælisbörn: Steinunn Bjarnadóttir (Steinka Bjarna) söng- og leikkona (f. 1923) hefði átt afmæli á þessum degi en hún lést 1994. Steinunn er þekktust í seinni tíð fyrir Stuðmanna framlag sitt en hún söng lagið Strax í dag, sem kom út á plötunni Sumar á Sýrlandi. Hún gaf sjálf út plötu…
