Í dag koma tveir tónlistarmenn við sögu Glatkistunnar sem afmælisbörn dagsins, þeir eru: Jón Ingi Valdimarsson bassaleikari Greifanna frá Húsavík á stórafmæli en hann er fimmtugur á þessum degi. Jón Ingi hefur verið í Greifunum frá upphafi en sveitin gekk fyrst undir Special treatment nafninu. Víkingur Heiðar Ólafsson píanóleikari er 31 árs en hann þekkja…
Tenórsöngvarinn Kolbeinn Jón Ketilsson flytur íslensk og ítölsk sönglög, auk aría úr óperum eftir Carl Maria von Weber og Richard Wagner á næstu hádegistónleikum Íslensku óperunnar í Norðurljósum í Hörpu, ásamt Antoníu Hevesi píanóleikara. Tónleikarnir fara fram þriðjudaginn 17. febrúar og hefjast kl. 12.15. Yfirskrift tónleikanna er „Í fjarlægð“, en Kolbeinn mun hefja tónleikana á…
Afmælisbarn dagsins er eitt að þessu sinni: Aðalsteinn Ísfjörð harmonikkuleikari og múrarameistari er 68 ára gamall. Aðalsteinn sem er Húsvíkingur, hefur komið víða við á ferli sínum sem harmonikkuleikari, gefið út sólóplötur og í samvinnu við aðra, og leikið með mörgum hljómsveitum í gegnum tíðina. Þar má nefna sveitir eins og Hljómsveit Illuga, Víbra, Húsavíkur-Hauka…
Hátt í 70 listamenn og hljómsveitir koma fram á stærstu Sónar Reykjavík tónlistarhátíðinni til þessa, sem fram fer í Hörpu dagana 12., 13. og 14. febrúar. Hátíðin hefst í kvöld klukkan 20:00. Meðal þeirra sem koma fram á Sónar Reykjavík í kvöld eru; Todd Terje (NO), Samaris, Sin Fang, Valgeir Sigurðsson, Futuregrapher & Jón Ólafsson, M-band og…
Eitt afmælisbarn er á skrá Glatkistunnar í dag: Franz Gunnarsson gítarleikari Ensíma á stórafmæli en hann er fertugur á þessum degi. Franz hefur auk þess að vera einn af meðlimum Ensíma, verið í þekktum sveitum á borð við Dr. Spock, Quicksand Jesus og Moody company en einnig minna þekktum á sínum yngri árum s.s. Dagfinni dýrlalækni…
Í dag eiga tveir tónlistarmenn afmæli skv. gagnagrunni Glatkistunnar: Berglind Björk Jónasdóttir söngkona er 56 ára. Hún er ein þriggja Borgardætra en hefur að auki sungið með hljómsveitum eins og Snillingunum og Saga Class. Söng Berglindar er að finna á plötum fjölmargra listamanna s.s. Geirmundar Valtýssonar, Guðrún Gunnarsdóttur, Rúnars Þórs, Ingva Þór Kormákssonar og margra…
Eitt afmælisbarn kemur við sögu í dag: Jóhann Bachmann Ólafsson (Hanni Bach) trommuleikari frá Selfossi er 39 ára, hann hefur leikið með mörgum hljómsveitum í gegnum tíðina en þekktastar þeirra eru Skítamórall og Írafár. Aðrar sveitir eru til dæmis Loðbítlar, Poppins flýgur og Boogie knights
Síðustu dagana hafa bæst við á fjórða tug færsla í gagnagrunn Glatkistunnar. Um er að ræða flytjendur (hljómsveitir, tónlistarfólk o.fl.) sem byrja á E og J, og eru þær færslur merktar [nýtt]. Slíkar merkingar verða sýnilegar í tvær vikur frá þeim degi sem þær birtast. Auk þess hafa nokkrar eldri færslur í gagnagrunninum verið uppfærðar, þær…
Og þá eru það afmælisbörn dagsins: Egill Ólafsson tónlistarmaður er 62 ára. Hann er einn af þekktustu söngvurum þjóðarinnar og hefur sungið með mörgum af vinsælustu hljómsveitunum, þar má nefna Spilverk þjóðanna, Stuðmenn og Þursaflokkinn en hann hefur einnig sungið með minna þekktum sveitum eins og 3to1, Tamlasveitinni, Scream og Andrew svo fáeinar séu nefndar.…
Þrjú tónlistartengd afmælisbörn koma við sögu í dag: Fyrstan skal nefna Jónatan Garðarsson tónlistarséní sem er sextugur en hann hefur verið viðloðandi tónlist í áratugi með einum og öðrum hætti. Hann hefur verið í hljómsveitum, samið lagatexta, skrifað um tónlist, komið að félags- og réttindamálum tónlistarmanna og er það sem almennt er kallað – tónlistarnörd…
Afmælisbörn dagsins eru fjögur talsins en öll eru þau látin: Gylfi Þ. Gíslason tónskáld og stjórnmálamaður (1917-2004) hefði átt þennan afmælisdag en hann samdi sönglög sem mörg hafa komið út á plötum. Hann samdi m.a. lög við ljóð Tómasar Guðmundssonar og annarra ljóðskálda, hér má t.d. nefna Hanna litla, Ég leitaði blárra blóma, og Lestin…
Af nógu er að taka í afmælisbarnaflóru dagsins og hér kemur skammturinn: Jón Páll Bjarnason gítarleikari er 77 ára, hann fæddist á Seyðisfirði en fluttist síðar til höfuðborgarsvæðisins, lærði á ýmis hljóðfæri en gítarinn varð að lokum hans aðal hljóðfæri. Hann lék með ýmsum hljómsveitum s.s. KK sextett, Hljómsveit Andrésar Ingólfssonar, Hljómsveit Björns R. Einarssonar…
Eitt afmælisbarn kemur við sögu í dag: Dalamaðurinn Friðjón Þórðarson fyrrum alþingismaður og ráðherra (fæddur 1923) hefði átt afmæli á þessum degi en hann var einn söngkvartettsins Leikbræðra sem gerðu garðinn frægan hér á árum áður. Leikbræður gáfu út nokkrar plötur, þar af eina stóra með eldri upptökum en hún kom út 1977. Friðjón lést…
Glatkistan hefur upplýsingar um eitt afmælisbarn í dag: Óskar Norðmann einsöngvari og stórkaupmaður (1902-71) átti afmæli á þessum febrúar degi en hann var einna fyrstur íslenskra einsöngvara til að starfa á erlendri grundu. Hann söng einsöng á plötum með Karlakór KFUM og einnig á nokkrum öðrum 78 snúninga plötum. Söng hans má heyra á safnplötunni…
Afmælisbarn dagsins er eitt að þessu sinni: Sigríður (Guðmundsdóttir) Schiöth söngkona og organisti (1914-2008) hefði átt afmæli á þessum degi. Hún var mikill drifkraftur í söngmálum Eyfirðinga og reyndar Húsvíkinga einnig, hún stýrði fjölmörgum kórum og var organisti víða um norðlenskar sveitir, söng sjálf með kórum og hélt jafnvel einsöngstónleika, samdi bæði sönglög og ljóð,…
Eitt afmælisbarn kemur við sögu þessa dags: Tage Ammendrup (1927-95) átti afmæli á þessum degi en hann var mikilvirkur plötuútgefandi og kom að tónlist með ýmsum hætti. Hann rak tvær hljómplötuútgáfur, Íslenzka tóna og Stjörnuhljómplötur og komu eitthvað á fjórða hundrað platna út undir merkjum þeirra. Hann gaf ennfremur út tvö tímarit um tónlist, Jazz…
Afmælisbörn dagsins eru fjögur talsins: Fyrstan skal telja Árna Matthíasson tónlistarskríbent á Morgunblaðinu um þriggja áratuga skeið, hann hefur einnig setið í dómnefnd Músíktilrauna frá 1987 og skrifað bækur um tónlist svo dæmi séu nefnd. Árni er 58 ára gamall. Benedikt Brynleifsson trommu- og ásláttarleikari er 36 ára í dag, hann hefur leikið með ógrynni…
Í tilefni af því að undankeppni Eurovision 2015 er að hefjast um helgina er við hæfi að minna á að Glatkistan hefur að geyma sögu íslensku undankeppninnar frá upphafi hennar, 1986. Þar er hægt að finna upplýsingar um hvert og eitt lag undankeppnanna, alla keppendur, uppákomur og skemmtilegar staðreyndir allt til ársins 2009. Hér er…
Fjórir tónlistarmenn eru skráðir með afmæli á þessum degi: Ingvi Þór Kormáksson bókasafnsfræðingur og tónlistarmaður er 63 ára gamall. Hann hefur gefið út fjölmargar sólóplötur og auk þess tekið þátt í Eurovision undankeppnum og öðrum tónlistarkeppnum, jafnvel unnið til verðlauna erlendis í slíkum keppnum. Ingvi Þór lék með fjölmörgum hljómsveitum á árum áður, t.a.m. Experiment,…
Hinir árlegu styrktartónleikar Blúsfélags Reykjavíkur verða haldnir á Café Rósenberg við Klapparstíg mánudagskvöldið 2. febrúar næstkomandi. Á tónleikunum sem hefjast stundvíslega kl. 21.00 koma fram landsþekktir tónlistarmenn jafnt sem óþekktir en efnilegir blúsarar. Þeirra á meðal eru Katanes (Sigurður Sigurðsson og félagar), Strákarnir hans Sævars (Sævar Árnason og félagar), Dóri Braga, Róbert Þórhallsson og fleiri…
Eitt afmælisbarn kemur við sögu á þessum degi: Telma Ágústsdóttir söngkona er 38 ára. Telma varð landsfræg á einu kvöldi þegar hún söng Eurovision framlag Íslendinga Tell me! ásamt Einari Ágústi Víðissyni árið 2000 en hún var þá söngkona hljómsveitarinnar Spur. Telma er dóttir Ágústs Atlasonar í Ríó tríó.
Dagskrá tónlistarhátíðarinnar Sónar Reykjavík var tilkynnt í hádeginu í gær. Alls munu 68 hljómsveitir og listamenn koma fram á hátíðinni í ár, sem fram fer á fimm sviðum í Hörpu dagana 12.-14. febrúar. Búist er við rúmlega 1.500 erlendum tónleikagestum á hátíðina, en fjöldi þeirra hefur stigvaxið frá því hún var fyrst haldin í febrúar árið…
Aðeins eitt afmælisbarn kemur við sögu í dag: Ingibjörg Lárusdóttir söngkona, flugfreyja og trompetleikari er fjörutíu og fimm ára. Hún leikur reyndar á ýmis hljóðfæri önnur en trompet, og hefur gefið út jólaplötu ásamt systrum sínum (Þórunni og Dísellu) en þær eru dætur Lárusar Sveinssonar trompetleikara.
Fjölmörg afmælisbörn koma við sögu á þessum merkisdegi: Ingólfur Steinsson tónlistarmaður frá Seyðisfirði er 64 ára, Ingólfur gerði garðinn frægan með Þokkabót á sínum tíma en hefur einnig leikið með sveitum eins og Lubbum, Stemmu, Krás, The Icelandic duo og Bræðrabandinu auk þess að hafa gefið út sólóplötur. Sveinbjörn Grétarsson gítarleikari (Bjössi í Greifunum) er…
Þessi dagur er fullur af afmælisbörnum og hefst þá upptalningin: Guðmundu Elíasdóttur söngkonu skal fyrsta telja en hún er hvorki meira né minna en 95 ára gömul. Guðmunda átti viðburðaríkan óperusöngferil hér heima og erlendis, nam í Danmörku og söng víða um heim, bæði í Evrópu og vestanhafs, hún söng meðal annars þrívegis í Hvíta…
Á þessum degi koma þrjú afmælisbörn við sögu, tvö þeirra eru ekki lengur meðal okkar: Svavar Knútur Kristinsson er 39 ára. Hann hefur lengst af starfað sem trúbador en einnig sungið og spilað með hljómsveitum eins og Hraun!, Kaffi, Moonboots og Læðunum. Svavar Knútur hefur verið í forsvari fyrir alþjóðlegu tónlistarhátíðina Melodica acoustic festival. Davíð…
Tvö afmælisbörn koma við sögu dagsins: Ársæll Másson gítarleikari og menntaskólakennari er sextugur en hann hefur leikið með ýmsum sveitum í gegnum tíðina. Þeirra á meðal má nefna Stórsveit Reykjavíkur, Bambinos, Misgengið og Föruneyti Gísla Helgasonar. Ársæll gegndi starfi djasstónlistargagnrýnanda á DV um tíma. Þórhallur (Laddi) tónlistarmaður og skemmtikraftur er 68 ára gamall, hann er…
Í dag eru fjölmörg afmælisbörn, þau eru eftirfarandi: Sigurður Rúnar Jónsson (Diddi fiðla) er 65 ára. Hann hefur vægast sagt komið víða við á sínum ferli enda fjölhæfur með afbrigðum, spilar á flest hljóðfæri, útsetur og semur tónlist. Framan af var hann í hljómsveitum eins og Náttúru, bjó síðar í Vestmannaeyjum þar sem hann stjórnaði…
Tvö afmælisbörn koma við sögu í dag: Friðrik Vignir Stefánsson orgelleikari af Skaganum er 53 ára. Hann nam orgelleik á Akranesi og Reykjavík, fór til Danmerkur í framhaldsnám og hefur starfað sem organisti, stjórnandi kóra og skólastjóri tónlistarskóla t.d. í Grundarfirði og Seltjarnarnesi. Hann var ennfremur í sönghópnum Sex í sveit. Söngvarinn Páll Rósinkranz (Óskarsson)…
Í dag er eitt afmælisbarn skráð hjá Glatkistunni: Arnar Sigurbjörnsson gítarleikari er 66 ára en hann var einkum áberandi í popp- og sveitaballasenunni á áttunda áratug síðustu aldar. Arnar lék með hljómsveitum eins og Brimkló, Mexíkó, Strengjum, Ævintýri, Action og Flowers, og söng stundum líka með sveitum sínum. Hann söng t.d. háu röddina í laginu…
Afmælisbarn dagsins er eitt að þessu sinni: Erlingur Vigfússon óperusöngvari frá Hellissandi hefði átt afmæli í dag en hann fæddist á þessum degi árið 1936. Eftir söngnám í Reykjavík fór Erlingur til framhaldsnáms á Ítalíu og síðar Þýskalands þar sem hann starfaði síðan við Kölnaróperuna frá 1969 til 1998 þegar hann kom heim. Ekki er…
Afmælisbörn dagsins eru eftirfarandi: Óskar Páll Sveinsson hljóð- og upptökumaður er 48 ára. Hann var á yngri árum söngvari og hljómborðsleikari hljómsveitarinnar Medium en sneri sér síðan að upptökufræðum, starfaði sem tæknimaður hjá Ríkisútvarpinu og við upptökur og hljóðblöndun á fjölmörgum plötum hér heima áður en hann fluttist til Bretlands og vann þar við upptökur…
Afmælisbarn dagsins er eftirfarandi: (Sæmundur) Rúnar Þórisson gítarleikari frá Ísafirði er sextugur á þessum degi en hann hefur komið víða við á löngum tónlistarferli. Rúnar starfaði á árum áður með sveitum eins og Ýr, Danshljómsveit Vestfjarða, Grafík, Haukum, Dínamít og Dögg en henn vann einnig náið með Rafni Jónssyni á sólóplötum hans. Á síðari árum…
Tvö afmælisbörn eiga daginn í dag: Sigurður Rúnar Samúelsson (Siggi Sam) bassaleikari og fasteignasali frá Ísafirði er 42 ára. Sigurður, sem er af bassaleikaraættum (sonur Samúels Einarssonar í BG & Ingibjörgu) hefur leikið með ýmsum hljómsveitum á ferlinum s.s. Írafári, Hljómsveit Al Deilis, Bravó, Dægurlagakombóinu og Boogie knights. Berti Möller (Bertram Henry Möller) söngvari og…
Afmælisbarn dagsins er eitt að þessu sinni: Sverrir Guðjónsson kontratenór er 65 ára, hann var snemma viðloðandi tónlist á æskustöðvum sínum á Hellissandi, söng sjö ára á söngskemmtun við undirleik föður síns (Guðjóns Matthíassonar) og söng inn á tvær litlar plötur aðeins tólf ára gamall. Hann nam söng hér heima og á Bretlandseyjum og hefur…
Fimm tónlistartengd afmælisbörn koma við sögu á þessum ágæta degi, þau eru: Stórsöngvarinn og strætóbílstjórinn André Bachmann er 66 ára, hann er einna þekktastur fyrir framlag sitt til ýmissa styrktarverkefna í formi tónleika og plötuútgáfu en hefur einnig gefið út sólóplötur og sungið með hljómsveitum eins og Hljómsveit Þorsteins Guðmundssonar (Steina spil), Aríu, Gleðigjöfunum, Stefnumótum…
Enn og aftur er dagurinn fullur af tónlistartengdum afmælisbörnum: Kristján Hreinsson tónlistarmaður og ljóð/textaskáld með meiru er 58 ára. Fyrir utan að hafa samið mörg hundruð texta sem komið hafa út á plötum hefur Kristján gefið út fjölmargar plötur undir eigin nafni frá 1990. Stefán (Guðmundur) Óskarsson trúbador frá Raufarhöfn er 52 ára. Hann hefur…
Fjölmörg afmælisbörn koma við sögu í dag, þau eru eftirfarandi: Þórunni Lárusdóttur leik- og söngkonu skal fyrst nefna, hún er 42 ára gömul og hefur komið víða við í tónlistarlegum skilningi. Hún gaf t.a.m. út plötuna Álfar og tröll ásamt Friðrik Karlssyni 2006, jólaplötu með systrum sínum (Dísellu og Ingibjörgu) 2004 og hefur einnig sungið…
Í dag er aðeins eitt afmælisbarn: Davíð Þór Jónsson guðfræðingur er fimmtugur sem ku víst vera stórafmæli, hann er þekktari sem skemmtikraftur, fjölmiðlamaður, annar Radíus bræðra og sitthvað fleira fremur en að vera tónlistarmaður. Hann var þó söngvari hljómsveitarinnar Faríseanna sem gaf út plötu 1996, samdi þar bæði lög og texta, en hefur aukinheldur samið…
Þrír tónlistarmenn eiga afmæli í dag og eru eftirfarandi: Gunnar Þórðarson gítarleikari og lagahöfundur á hvorki meira né minna en sjötugs afmæli á þessum degi. Gunnar þarf varla að kynna, hann fæddist á Hólmavík, fluttist ungur til Keflavíkur, varð fyrst landsfrægur sem gítarleikari og aðal lagahöfundur bítlasveitarinnar Hljóma en síðar komu aðrar sveitir eins og…
Afmælisbörnin eru tvö í dag: Sölvi H. Blöndal liðsmaður Halleluwah og fyrrum Quarashi-liði á stórafmæli en hann er fertugur. Sölvi hafði verið í ýmsum sveitum áður en hann gerði það gott með Quarashi, s.s. Púff, SSSpan, Júpiters og Stjörnukisa svo dæmi séu tekin en starfrækir nú um þessar mundir dúettinn Halleluwah. Hann hefur einnig fengist…
Eitt afmælisbarn kemur við sögu á þessum fyrsta degi ársins: Felix Bergsson söngvari og leikari er 48 ára gamall, hann vakti fyrst athygli í uppfærslu Verzlunarskólans á söngleiknum Rocky horror, varð síðar söngvari Greifanna, vann að barnaefni ásamt Gunnari Helgasyni og hóf enn síðar sólóferil eftir að hafa menntað sig í leiklist.
Á þessum síðasta degi ársins á þessi tónlistarmaður afmæli: Gísli Þór Gunnarsson trúbador (G.G. Gunn) er 56 ára, hann hefur verið lítt áberandi í íslensku tónlistarlífi en eftir hann liggja þó þrjár plötur. Gísli starfaði um tíma sem dagskrárgerðarmaður í útvarpi en hefur lítið sinnt tónlistinni síðustu tvo áratugi.
Afmæli eiga eftirtaldir í dag: Haukur Gröndal klarinettu- og saxófónleikari er 39 ára, hann hefur leikið með ýmsum hljómsveitum (mörgum djasstengdum) eins og Rodent, klezmersveitinni Schpilkas, Out of the loop og Reykjavik swing syndicate, og er víða gestur á útgefnum plötum. Hann hefur einnig sjálfur gefið út plötur. Bjarni „móhíkani“ (Þórður) Þórðarson (f. 1966) hefði…
Þá er komið að afmælisbörnum dagsins: Alma Guðmundsdóttir söngkona er þrítug í dag. Alma er hvað kunnust fyrir framlag sitt til Nylons (síðar The Charlies) en hún er búsett í Bandaríkjunum ásamt öðrum Charlies stöllum. Vilhjálmur (Björgvin Guðmundsson) frá Skáholti (1907-63) hefði einnig átt þennan afmælisdag en hann var fyrst og fremst ljóðskáld og hafa…
Eitt afmælisbarn er skráð á þessum degi: Elly Vilhjálms söngkona (f. 1935) hefði átt afmæli á þessum degi en hún lést 1995. Elly (Henný Eldey Vilhjálmsdóttir) var af Suðurnesjunum og var snemma uppgötvuð sem söngkona, hún söng með ýmsum hljómsveitum þess tíma, lengst af með KK-sextett, Orion kvintett og Hljómsveit Svavars Gests, en Svavar varð…
Aðfangadagur hefur að geyma eitt afmælisbarn: Jóhann R. Kristjánsson tónlistarmaður frá Egilsstöðum er 53 ára, hann er ekki þekktasti tónlistarmaður þjóðarinnar en plata hans, Er eitthvað að? frá 1982 hefur öðlast cult-sess meðal poppfræðinga. Á sínum tíma hlaut platan afhroð gagnrýnenda en hefur nú fengið uppreist æru, og er í dag eftirsóttur safngripur.
Eitt afmælisbarn er skráð á Þorláksmessu: Árni Björnsson tónskáld (f. 1905) hefði átt afmæli þennan dag en hann lést 1995. Árni var úr Kelduhverfinu, fékk snemma áhuga á orgelleik, kórstjórnun og tónsmíðum, og svo fór að hann fór til náms, fyrst innanlands og síðan utan, og lét draum sinn rætast. Þegar hann kom aftur til…
