Afmælisbörn 3. janúar 2015

Sölvi Blöndal

Sölvi H. Blöndal

Afmælisbörnin eru tvö í dag:

Sölvi H. Blöndal liðsmaður Halleluwah og fyrrum Quarashi-liði á stórafmæli en hann er fertugur. Sölvi hafði verið í ýmsum sveitum áður en hann gerði það gott með Quarashi, s.s. Púff, SSSpan, Júpiters og Stjörnukisa svo dæmi séu tekin en starfrækir nú um þessar mundir dúettinn Halleluwah. Hann hefur einnig fengist við útsetningar og upptökustjórn.

Vilhelm Anton Jónsson, Villi naglbítur á einnig afmæli en hann er 37 ára gamall. Villi var lengi þekktastur sem söngvari 200.000 naglbíta en hann hefur einnig gefið út sólóefni. Hann hefur í seinni tíð fengist við dagskrárgerð í útvarpi og sjónvarpi, leikið í kvikmyndum og gefið út vísindabækur fyrir börn.