
Felix Bergsson
Glatkistan hefur eitt tónlistartengt afmælisbarn á fyrsta degi ársins:
Felix Bergsson söngvari, leikari og fjölmiðlamaður á stórafmæli en hann er fimmtugur á þessum nýársdegi. Felix vakti fyrst athygli í uppfærslu Verzlunarskóla Íslands á söngleiknum Rocky horror, varð síðar söngvari Greifanna sem sigraði Músíktilraunir vorið 1986, vann að barnaefni ásamt Gunnari Helgasyni og hóf enn síðar sólósöngferil eftir að hafa menntað sig í leiklist, hann hefur sent frá sér tvær breiðskífur.