Hljómsveitin Farmerarnir var meðal keppenda í Músíktilraunum Tónabæjar vorið 1998. Meðlimir sveitarinnar voru þeir Guðmundur Steinn Gunnarsson gítarleikari, tölvumaður og söngvari, Örvar Davíð Þorvaldsson skífuþeytari og Guðmundur Logi Norðdahl gítarleikari og tölvumaður. Einn liðsmanna tríósins gekk úr skaptinu rétt fyrir keppnina eins og það var orðað í umfjöllun í blöðunum og því voru þeir bara…
Feður Flintstones (einnig ritað Feður Flinstones) var í raun dúettinn Ajax undir öðru nafni en þeir Ajax-liðar, Sigurbjörn Þorgrímsson (Bjössi Biogen) og Þórhallur Skúlason skipuðu sveitina sem lék einhvers konar hardcore danstónlist. Feður Flinstones áttu eitt lag á safnplötunni Icerave sumarið 1992 en virðast að öðru leyti ekki hafa starfað undir því nafni.
Sumarið 1992 kom saman hópur ungs tónlistarfólks og stofnaði félagsskap í því skyni að gefa út plötur, standa fyrir tónleikum, flytja inn erlent tónlistarfólk o.fl. Félagsskapurinn hlaut nafnið F.I.R.E. Inc. en aldrei var alveg ljóst fyrir hvað sú skammstöfun stóð, í einhverju viðtali sögðu þau það standa fyrir Félags íslenskra rokkhljómsveita erlendis en það mun…
Glatkistan óskar eftir upplýsingum um hljómsveit, líklega blússveit, sem starfaði sumarið 1992 undir nafninu The fabulous blues babies og lék þá í fáein skipti á öldurhúsum höfuðborgarsvæðisins.
Hljómsveit sem var eins konar instrumental pönksveit starfaði um skamman tíma haustið 1987 undir nafninu Faðmlag, hugsanlega kom hún fram í aðeins eitt skipti. Faðmlag var einhvers konar angi af hljómsveitinni Rauðum flötum sem þá hafði notið nokkurra vinsælda en ekki finnast upplýsingar um hverjir þeirra Rauðra flata-liða skipuðu hana.
Hljómsveitin Fagin var meðal sveita sem kepptu í hljómsveitakeppninni í Atlavík um verslunarmannahelgina 1987. Engar upplýsingar finnast um meðlimi þessarar sveitar og hljóðfæraskipan hennar og er því óskað eftir slíkum upplýsingum, en hér er giskað á að hún hafi verið af norðan- eða austanverðu landinu.
Hljómsveitin Fahrenheit starfaði á höfuðborgarsvæðinu árið 1994 og líklega lengur en hún spilaði það árið nokkuð á Gauki á Stöng en var einnig önnur aðalhljómsveitin á Bindindismótinu í Galtalæk um verslunarmannahelgina þá um sumarið. Meðlimir Fahrenheit voru þeir Ómar Guðmundsson trommuleikari, Elfar Aðalsteinsson söngvari, Óttar Guðnason gítarleikari, Karl Olgeirsson hljómborðsleikari og Róbert Þórhallsson bassaleikari.
Upplýsingar óskast um hljómsveit sem að líkindum starfaði innan Framhaldsskólans á Laugum árið 1993 undir nafninu Fain. Í dagblaðsfrétt var sveitin sögð vera meðal keppenda í Músíktilraunum um vorið 1993 en svo mun ekki hafa verið, að minnsta kosti ekki undir því nafni.
Hljómsveitin Faktus var meðal sveita sem kepptu í árlegri hljómsveitakeppni Fjölbrautaskóla Vesturlands á Akranesi, haustið 2000. Ekki liggja fyrir neinar upplýsingr um meðlima- og hljóðfæraskipan sveitarinnar og gæti allt eins verið að hún hafi verið sett saman fyrir þessa einu uppákomu, Glatkistan óskar því eftir frekari upplýsingum um Faktus.
Gjörningasveitin Fallegt lík starfaði á árunum 1994-96 að minnsta kosti og kom þá fram á ýmsum tónlistartengdum uppákomum, s.s. Unglist o.fl. Glatkistan óskar eftir upplýsingum um hverjir skipuðu þessa sveit sem og um hljóðfæraskipan hennar og starfstíma.
Heimildir um hljómsveit sem er ýmist kölluð Crystal, Kristall, Krystal eða ýmsar orðmyndir út frá þeim, eru mjög misvísandi og margar, hér er gengið út frá því að þetta sé allt sama sveitin en óskað er eftir frekari upplýsingum um hana/þær. Fyrstu heimildir um hljómsveit með þessu nafni eru frá haustinu 1975 og þar er…
Hljómsveitin Croisztans er fjölþjóðleg sveit sem í gegnum tíðina hefur skartað fjölmörgum Íslendingum, sem hafa yfirleitt verið í meirihluta í sveitinni en mannabreytingar hafa verið tíðar í henni. Croisztans var stofnuð snemma árs 1997 og hefur frá upphafi leikið eins konar þjóðlagapönk undir austur-evrópskum áhrifum, reyndar hefur sveitin kennt sig frá upphafi við úkraínskt fríríki…
Croisztans – Karta Útgefandi: Croisztans Útgáfunúmer: CROI 01 Ár: 1998 1. Croivarive 2. Gnetsza voek 3. (Lilla) 4. Szagk 5. Ce Que 6. Luviali 7. Bangsi Flytjendur: Gwenn Houdry – harmonikka Þorbjörg Ása Kristinsdóttir – bassi Christian Elgaard – trommur Finnbogi Hafþórsson – gítar Páll Kristinsson – ásláttur Sigurður Óli Pálmason – söngur Croisztans –…
Hljómsveitin Cuba libre (einnig ritað Cuba libra) var starfrækt á höfuðborgarsvæðinu á fyrri hluta tíunda áratugar síðustu aldar og var þá nokkuð dugleg við spilamennsku á öldurhúsunum. Bræðurnir Jón Kjartan bassaleikari og Trausti Már trommuleikari Ingólfssynir (úr Stuðkompaníinu frá Akureyri) skipuðu sveitina við þriðja mann, Aðalstein Bjarnþórsson gítarleikara en Tryggvi J. Hübner kom einnig við…
Hljómsveit að nafni Cupid starfaði í Mosfellsbænum á árunum 1997 og 98. Sveitin var meðal keppenda í Músíktilraunum vorið 1998 og voru meðlimir hennar þá Ólafur Haukur Flygenring gítarleikari, Egill Hübner söngvari og gítarleikari, Sigurbjörn Ragnarsson bassaleikari og Tumi Þór Jóhannesson trommuleikari. Sveitin komst ekki áfram í úrslit.
Svo virðist sem harðkjarnasveit hafi starfað á Stöðvarfirði eða nágrenni sumarið 2000 undir nafninu Cupid. Óskað er eftir upplýsingum um þessa sveit, starfstíma hennar, hljóðfæra- og meðlimaskipan en sveitarliðar voru að öllum líkindum í yngri kantinum.
F.I.R.E. – ýmsir Útgefandi: FIRE Inc. Útgáfufyrirtæki: f 01 Ár: 1993 1. Púff – Götulíf 2. Curver – Nóttin 2. Hluti (bærinn) 3. Stilluppsteypa – Söngur söngl 4. Kolrassa krókríðandi – Ikarus 5. Stilluppsteypa – Riðuveiki 6. Púff – Bdfghmnpstv ælt of fljótt 7. Kolrassa krókríðandi – Ljáðu mér vængi 8. Curver – The magic…
Hljómsveit að nafni Faction starfaði í Njarðvíkum árið 1985 og lék þá eitthvað opinberlega. Engar upplýsingar er að finna um meðlimi og hljóðfæraskipan þessarar sveitar og er því hér með óskað eftir þeim.
Hljómsveitin Cosinus var skipuð meðlimum á unglingsaldri en hún starfaði í kringum 1980 í Mosfellssveitinni. Sveitin var að öllum líkindum stofnuð 1979 og starfaði hún fram að vori 1981 þegar ný sveit, Sextett Bigga Haralds var stofnuð upp úr henni. Meðlimir Cosinus munu hafa verið sex talsins, Karl Tómasson trommuleikari, Þórhallur Árnason bassaleikari, Hjalti Árnason…
Hljómsveitin Cor frá Flateyri starfaði í nokkur ár vestra og varð nokkuð þekkt fyrir að leika annars vegar undir Popppassíu sem Lýður Árnadóttir læknir á Flateyri hafði sett saman fyrir páskahátíðina 1999, og hins vegar á Rollings stones kvöldum á Vestfjörðum. Cor var stofnuð 1997 og var Vagninn á Flateyri fljótlega eins konar heimavöllur sveitarinnar,…
Corpsegrinder var hljómsveit frá Selfossi í harðari kantinum, starfandi árið 1993 og tók þá þátt í Músíktilraunum um vorið. Meðlimir Corpsegrinder voru þeir Njörður Steinarsson bassaleikari, Sveinn Pálsson gítarleikari, Skúli Arason trommuleikari, Óli Rúnar Eyjólfsson söngvari og Óskar Gestsson gítarleikari. Sveitin komst ekki áfram í úrslit Músíktilrauna og ekkert bendir til að hún hafi verið…
Glatkistan óskar eftir upplýsingum um hiphop-sveitina Conspiracy crew en hún starfaði í Garðabæ og keppti í söngvakeppni Samfés vorið 1999. Fyrir liggur að Kjartan Atli Kjartansson (Bæjarins bestu o.fl.) var einn meðlima hópsins en upplýsingar vantar um aðra.
Óskað er eftir upplýsingum um hljómsveit líkast til starfandi á síðustu öld, sem gekk undir nafninu Cooca noona. Gunnar Kr. Björgvinsson var einn meðlima þessarar sveitar en frekari upplýsingar finnast ekki um þessa sveit.
Árið 1966 (að öllum líkindum) starfaði þjóðlagatríó á höfuðborgarsvæðinu skipað ungum hljóðfæraleikurum undir nafninu Coplas tríó en nafnið var vísun í lag með Kingstone tríóinu. Meðlimir Coplas (einnig ritað Koplas tríóið) voru þeir Ágúst Atlason, Sverrir Ólafsson og Ómar Valdimarsson, þeir léku allir á gítara og sungu en Ómar var aðal söngvarinn. Þeir voru síðar…
Hljómsveitin Corruption starfaði sumarið 1991 og tók þá þátt í hljómsveitakeppni sem haldin var á útihátíð í Húnaveri um verslunarmannahelgina. Annað liggur ekki fyrir um þessa sveit, hvar á landinu hún starfaði, hversu lengi, hverjir skipuðu hana eða hver skipan hljóðfæra var í henni, og er því hér með óskað eftir upplýsingum um hana.
The Cosmonut var eitt fjölmargra aukasjálfa Aðalsteins Guðmundssonar (sem einnig hefur gengið undir nöfnunum Yagya, Sanasol, Plastik o.fl.) en um var að ræða eins konar raftónlist. Aðalsteinn kom fram undir The Cosmonut nafninu á tveimur split-plötum með Orlando Careca (Jónasi Þór Guðmundssyni) sem komu út á vegum 66 Degrees records (undirmerki Thule Records) árið 2000…
Orlando Careca / The Cosmonut – Just for tonight [ep] Útgefandi: 66 Degrees records Útgáfunúmer: 66D04 Ár: 2000 1. Just for tonight (feat. Blake) 2. Stars in your eyes 3. I‘m a sexmachine 4. A little bit of love 5. Ceramic Flytjendur: Jónas Þór Guðmundsson – [?] Aðalsteinn Guðmundsson – [?] Magnús Jónsson – [?] Orlando Careca / The Cosmonut –…
Óskað er eftir upplýsingum um hljómsveit sem bar heitið The Cowboys og var starfandi sumarið og haustið 2003 að minnsta kosti, sveit þessi lék á öldurhúsum víða um land af því er virðist. Að öllum líkindum er ekki um að ræða sveit sem gekk undir nafninu Kúrekarnir nokkrum árum fyrr.
Hljómsveitin Craftblock starfaði í Kópavoginum árið 1981 en lítið er vitað um þessa sveit. Fyrir liggur að Birgir Baldursson trommuleikari var í Craftblock en engar upplýsingar er að finna um aðra meðlimi sveitarinnar og er því hér með óskað eftir þeim.
Hljómsveitin Crazy rhythm kvartettinn starfaði veturinn 1946-47 og innihélt kunna tónlistarmenn. Það voru þeir Skapti Ólafsson trommuleikari, Eyþór Þorláksson bassaleikari, Ólafur Gaukur Þórhallsson gítarleikari og Steinþór Steingrímsson píanóleikari, Haukur Morthens var söngvari sveitarinnar. Gunnar Jónsson trommuleikari kom einnig við sögu sveitarinnar. Kvartettinn lék nokkuð víða þennan vetur en oftast í Iðnskólanum hver svo sem skýringin…
Hljómsveit, að öllum líkindum í harðari kantinum starfaði á höfuðborgarsvæðinu vorið 2000 undir nafninu Crossbreed og lék þá á tónleikum á vegum Hins hússins. Engar upplýsingar finnast um meðlima- og hljóðfæraskipan þessarar sveitar og er því óskað eftir þeim.
Blússveitin Crossroads starfaði um eins árs skeið snemma á tíunda áratug síðustu aldar og lék nokkuð á blúsbörum borgarinnar. Sveitin var stofnuð haustið 1991 og voru meðlimir hennar í upphafi þeir Tyrfingur Þórarinsson gítarleikari, Páll Kristjánsson söngvari, Hreiðar Júlíusson trommuleikari og Ástþór Hlöðversson bassaleikari. Svavar Sigurðsson Hammond orgelleikari bættist í hópinn snemma árs 1992 og…
Hljómsveitin Cosa nostra naut nokkurra vinsælda um miðjan níunda áratug síðustu aldar en sveitin sendi frá sér eina sex laga skífu. Það voru hljómborðsleikararnir Máni Svavarsson og Guðmundur Sveinbjörnsson sem byrjuðu að starfa saman snemma árs 1984 en þeir voru þá nemendur í Verzlunarskóla Íslands, í fyrstu gengu þeir undir nafninu 1 to 3. Þegar…
Cosa Nostra – Answers without questions Útgefandi: Cosa nostra Útgáfunúmer: CN 001 Ár: 1985 1. Waiting for an answer 2. Italian song 3. Maybe next time 4. You shouldn’t try to reach me 5. Where is my robot? 6. We can’t go on like this Flytjendur: Máni Svavarsson – hljómborð og forritun Ólöf Sigurðardóttir –…
Combo Eyþórs Þorláksson starfaði um nokkurra ára skeið á sjötta og sjöunda áratug síðustu aldar en combo-ið var lengst af húshljómsveit á Röðli. Sveitin kom fyrst fram árið 1959 og var þá skipuð hljómsveitarstjóranum Eyþóri Þorlákssyni gítarleikara, Reyni Jónassyni saxófónleikara, Guðjóni Pálssyni píanóleikara, Hrafni Pálssyni bassaleikara og Guðmundur Steingrímssyni trommuleikara. Haustið 1962 var sveitin ráðin…
Engar upplýsingar er að finna um skipan hljómsveitarinnar Combó Gvendar Hall en sveitin lék á styrktartónleikum í upphafi árs 1981. Allt eins er líklegt að sveitin hafi verið sett saman fyrir þessa einu tónleika en óskað er eftir frekari upplýsingum um hana.
Óskað er eftir upplýsingum um hljómsveit sem starfaði að öllum líkindum árið 1972 innan veggja framhaldsskóla á höfuðborgarsvæðinu, undir nafninu Combó Kalla Matt. Fyrir liggur að meðal meðlima sveitarinnar voru þeir Júlíus Agnarsson og Karl V. Matthíasson (síðar prestur) en sveitin var kennd við þann síðar nefnda. Upplýsingar vantar hins vegar um aðra meðlimi hennar.
Skólahljómsveit í Menntaskólanum á Akureyri starfandi undir nafninu Combó Kalla Skírnis en ekki liggja fyrir neinar upplýsingar um þessa sveit aðrar en að Kristján B. Snorrason (síðar kenndur við Upplyftingu) var í henni og að öllum líkindum var hún starfandi árið 1973. Glatkistan óskar þ.a.l. eftir frekari upplýsingum um þessa sveit.
Combo Snorra Snorrasonar var sérstaklega sett saman fyrir eina tónleika (til styrktar MS-félaginu), sumarið 1981. Meðlimir combósins voru Snorri Snorrason sem lék á klassískan gítar, Stefán Jökulsson trommuleikari, Sigurður Long Saxófónleikari og Tómas R. Einarsson bassaleikari.
Heimild segir frá hljómsveitinni Comdons sem mun hafa verið starfandi árið 1982, mestar líkur eru á að um misritun hafi verið að ræða og að rétt nafn sveitarinnar hafi verið Condoms. Óskað er eftir frekari upplýsingum um þessa sveit, rétt nafn hennar, liðsskipan o.s.frv.
Hljómsveit að nafni Comet starfaði haustið 1996 og virðist hafa verið eins konar afsprengi sveitar sem starfaði þremur áratugum fyrr undir sama nafni á Akureyri, ekki er þó um sömu sveit að ræða. Fyrir liggur að Brynleifur Hallsson [gítarleikari?] var í þessari sveit en hann hafði verið í Comet hinni fyrri, einnig munu þeir Grímur…
Fremur litlar upplýsingar liggja fyrir um hljómsveitina Como (einnig ritað Kómó) en hún mun hafa verið starfandi á Eskifirði á sjöunda áratug síðustu aldar, a.m.k. á árunum 1963-67. Sveitin gekk um tíma undir nafninu Como og Georg en ekki er ljóst hvort sá Georg (Georg Halldórsson) hafi verið söngvari sveitarinnar alla tíð. Aðrir meðlimir Como…
Hljómsveitin Complex (Komplex) var skammlíf bítlasveit sem starfaði í Réttarholtsskóla í fáeina mánuði árið 1966. Meðlimir sveitarinnar voru Ágúst Atlason söngvari (Ríó tríó o.fl.), Valgeir Guðjónsson gítarleikari (Stuðmenn o.fl.), Þórður Árnason gítarleikari (Þursaflokkurinn o.fl.), Gylfi Kristinsson bassaleikari (Stuðmenn o.fl.) og Eiríkur Þorsteinsson trommuleikari. Complex var sem fyrr segir skammlíf sveit, kom líkast til aðeins einu…
Hljómsveitin Comet var ein af þeim Bítlasveitum sem störfuðu á Akureyri um miðjan sjötta áratug síðustu aldar, sveitin lék einkum á dansleikjum á heimaslóðum en fór einnig suður yfir heiðar og lék í Breiðfirðingabúð og fleiri stöðum. Sveitin var stofnuð snemma vors 1965 í Gagnfræðiskólanum á Akureyri og gekk í byrjun undir nafninu Comet og…
Glatkistan óskar eftir upplýsingum um hljómsveit úr Fellaskóla sem gekk undir nafninu Complex (Komplex), hún starfaði sumarið 1989 og lék þá á Rykkrokk-tónleikunum. Complex var kvartett og innihélt söngkonu en ekkert annað liggur fyrir um þessa sveit.
Hljómsveitin Condors (einnig kölluð Hrægammarnir í heimildum) starfaði í Árbænum á fyrri hluta níunda áratug síðustu aldar, og lék þá nokkuð á tónleikum og öðrum skemmtunum í hverfinu og nágrenni þessi. Meðlimir sveitarinnar voru Arnar Freyr Gunnarsson gítarleikari, Grímur Hjartarson gítarleikari, Gunnar Jónsson bassaleikari og Björgvin Pálsson trommuleikari. Líklegt er að Arnar Freyr hafi verið…
Combó Þórðar Hall var með allra fyrstu gjörningasveitum hér á landi og því vakti það alltaf mikla eftirtekt þegar sveitin kom fram, hún varð hins vegar skammlíf. Combóið mun hafa verið stofnað síðla árs 1969 og kom fyrst fram á þorrablóti Myndlista- og handíðaskólans í janúar 1970 en meðlimir sveitarinnar voru allir nemar þar. Þeir…
Combo 5 var skammlíf djassveit sem lék á tónleikum á vegum Jazzþings sumarið 1995. Meðlimir sveitarinnar voru þeir Grétar Sigurðsson saxófónleikari, Jón Aðalsteinsson píanóleikari, Elvar Bragason gítarleikari, Heimir Harðarson bassaleikari og Stefán Helgason trommuleikari.
Hljómsveit starfaði á Akranesi á árunum 2000 til 2001, að öllum líkindum innan Fjölbrautaskóla Vesturlands Akranesi, undir nafninu Closedown eða Close down. Fyrir liggur að meðal meðlima hennar voru Sigurður Mikael Jónsson söngvari, Sigurður Ingvar Þorvaldsson bassaleikari og Bjarki Þór Aðalsteinsson trommuleikari en ekki finnast meiri upplýsingar um þessa sveit, Glatkistan óskar þ.a.l. eftir þeim.
Hljómsveitin Coma starfaði á Dalvík um þriggja ára skeið í kringum 1980 og mun hafa verið einhvers konar nýbylgjusveit, jafnvel þungarokk einnig. Undir lokin hefur tónlistin líklega verið orðin léttari en þá lék sveitin undir í kabarettsýningu á Dalvík. Afar litlar upplýsingar er að finna um Coma, og t.a.m. hefur Glatkistan ekki nöfn nema eins…
Glatkistan 