Afmælisbörn 3. janúar 2017

Sölvi Blöndal

Sölvi Blöndal

Afmælisbörnin eru tvö á skrá Glatkistunnar í dag:

Sölvi (Haraldsson) Blöndal fyrrum Quarashi-liði á fjörutíu og tveggja ára afmæli í dag. Sölvi hafði verið í ýmsum sveitum áður en hann gerði það gott með Quarashi, s.s. Púff, SSSpan, Júpiters og Stjörnukisa svo dæmi séu tekin en hefur einnig starfrækt dúettinn Halleluwah, auk annarra verkefna. Hann hefur ennfremur fengist við útsetningar og upptökustjórn.

Vilhelm Anton Jónsson eða bara Villi naglbítur, á einnig afmæli en hann er þrjátíu og níu ára gamall. Villi var lengi þekktastur sem söngvari hljómsveitarinnar 200.000 naglbíta en hann hefur einnig gefið út sólóefni. Hann hefur í seinni tíð fengist við dagskrárgerð í útvarpi og sjónvarpi, leikið í kvikmyndunum um Sveppa og Villa, og gefið út vísindabækur fyrir börn.