Afmælisbörn 17. janúar 2020

Hjálmfríður Þöll Friðriksdóttir

Glatkistan hefur eitt tónlistartengt afmælisbarn á skrá sinni á þessum degi:

Hjálmfríður Þöll Friðriksdóttir (Frida Fridriks) tónlistarkona er fimmtíu og eins árs gömul í dag. Hún er af tónlistarfólki komin og var ung farin að syngja í Barnakór Tónlistarskóla Rangæinga en hún söng einsöng með kórnum á plötu aðeins þrettán ára gömul. Hjálmfríður söng með fáeinum hljómsveitum og á plötum hér heima áður en hún fluttist til Danmerkur þar sem hún býr nú og kennir tónlist við listaháskóla. Hún hefur gefið út tvær sólóbreiðskífur og starfar með hljómsveitum einnig ytra.