Arinbjarnarson

Arinbjarnarson
(Lag / texti: Spilverk þjóðanna)

Hví er ég Arinbjarnarson
en hvorki Kúld né Schiöth
sem búa‘ á númer þrettán
í sömu götu‘ og ég,
í sama húsi‘ og ég.

Á sömu hæð býr afi Arinbjörn
og amma Fía,
sparsöm kona ofan‘úr Hreppum
sem lifir dauðann af
í dönskum bókaskáp.

Mamma vildi annan mann
og pabbi annað víf
en það fæddist lítið barn
hér á þessum stað.
Mér finnst það fjandi hart
því barnið ég er það.

Því er ég ég en ekki þú
og við við en ekki bara eitthvað annað,
maðkur eða mús,
mávur eða hús,
dagblað eða djús,
krukka eða krús,
mínus eða plús,
Andrés eða önd.
Ég en ekki þú.

[m.a. á plötunni Spilverk þjóðanna – Sturla]