Afmælisbörn 14. janúar 2021

Stefán Jakobsson

Í dag eru tónlistartengd afmælisbörn Glatkistunnar tvö:

Mývetningurinn Stefán Jakobsson er fjörutíu og eins árs gamall í dag. Stjarna hans hefur risið hátt á síðustu árum, bæði sem söngvari hljómsveitarinnar Dimmu en einnig almennt fyrir söngverkefni sín s.s. Föstudagslögin, þá hefur hann sent frá sér sólóplötu. Stefán sem er af miklum tónlistarættum, er og hefur verið í ýmsum öðrum hljómsveitum en Dimmu en má þar nefna sveitir eins og MaidenIced, Douglas Wilson, Alþingi, Dralon og Þingtak.

Þá hefði Kristján Magnússon píanóleikari og ljósmyndari einnig átt afmæli þennan dag en hann lést árið 2003. Kristján sem var fæddur árið 1931, spilaði með fjölda danshljómsveita á sínum tíma, hann rak eigin sveitir um árabil (Hljómsveit Kristjáns Magnússonar, Tríó Kristjáns Magnússonar og KR-tríó) en lék einnig í sveitum eins og KK-sextett, Hljómsveit Björns R. Einarssonar og Trad kompaníinu. Kristján var sem fyrr segir ljósmyndari og tók m.a. ljósmyndirnar af Hljómum á fyrstu breiðskífu þeirrar sveitar.

Vissir þú að mezzósópran söngkonan Hanna Dóra Sturludóttir og bassaleikarinn Friðrik Sturluson eru systkini?