Afmælisbörn 2. mars 2021

Guðmundur Óskar Guðmundsson

Á þessum degi eru þrjú tónlistartengd afmælisbörn á skrá Glatkistunnar.

Fyrst skal nefna Jón Bjarna Pétursson gítarleikara hljómsveitarinnar Diktu en hann kemur m.a. við sögu í hinu þekkta lagi Thank you, sem ómaði um allt land 2009 og 10. Jón Bjarni er þrjátíu og níu ára gamall í dag.

Einnig á bassaleikari hljómsveitanna Hjaltalín og Góss, Guðmundur Óskar Guðmundsson afmæli en hann er þrjátíu og fjögurra ára gamall á þessum degi. Hann var einnig áður í hljómsveitunum Imnesium, Heiðurspiltum, Mekkamoos Tilbury og Svitabandinu svo aðeins fáeinar séu nefndar.

Og að síðustu er hér nefndur rapparinn Flóni eða Friðrik Jóhann Róbertsson sem er tuttugu og þriggja ára gamall á þessum degi. Flóni á að baki tvær sólóplötur og nokkur vinsæl lög og hefur starfað með fjölda annarra tónlistarmanna af sinni kynslóð s.s. GDRN, Auði, Birni og Joey Christ svo nokkur dæmi séu tekin.

Vissir þú að Sumargleðin skemmti á um sex hundruð skemmtunum og dansleikjum á sínum tíma?