Ferðasót
(Lag og texti: Þorsteinn Einarsson)
 
Einn ég reika um aftanbil,
ákaft á mig leita
hugsanir sem heyra til
hærri tíðni sveita.

Í fjarska fjöllin himinblá
fagran dalinn prýða.
Læt ég tímann líða hjá,
lengi mun ég bíða.

Hér er gott að gista í nótt,
göngustaf minn hvíla.
Þar sem ríkir húmið hljótt,
ég hlusta á vindinn ýla.

Tíðkast græðgi gífurleg,
gengið allt úr skorðum.
Ég vil ganga annan veg
er völva kvað um forðum.

Halda vil ég heim á leið,
hugleiða á tindi.
Afl það hrindir allri neyð,
eykur vorsins yndi.

[á plötunni Hjálmar – Ferðasót]