Afmælisbörn 24. mars 2019

Guðfinnur Karlsson

Á þessum degi eru tvö tónlistartengd afmælisbörn á skrá Glatkistunnar:

Gylfi Kristinsson söngvari er sextíu og sjö ára en honum skýtur reglulega upp í hinum ýmsu hljómsveitum. Gylfi var til að mynda í upphaflegu útgáfunni af Stuðmönnum sem einnig hefur verið kölluð Frummenn, og gaf út plötu fyrir nokkrum árum. Hann var einnig í sveitum eins og Rifsberju, Hassansmjör (sem var einn forveri Spilverks þjóðanna) og Frugg og kom við sögu á plötu Jolla & Kóla, hann söng einnig á frægri Barbapapa plötu sem sést reglulega á nytjamörkuðum borgarinnar.

Og svo er hér einnig nefndur söngvarinn Guðfinnur (Sölvi) Karlsson eða bara Finni úr Dr. Spock. Finni er fjörutíu og fimm ára gamall í dag og hefur auk áðurnefndrar Dr. Spock einnig starfað með sveitum eins og Tussul, Quicksand Jesus og Plató. Hann kom einnig að opnun Pönksafns Íslands.