Sturla

Sturla
Lag / texti: Spilverk þjóðanna)

Þú ert menntaður vel og styrktur
en samt áttu ólokið prófi.
Þó þú haldir á rauðum fána
er skuld þín jafn stór samt sem áður
við þá sem með hnýttum höndum
greiddu þér menntaveginn.
Þú grefur þeim gröf sem gefa
og læðist út í heim.
Þú skilur, þú skilur, þú skilur,
þú skilur, þú skilur á milli afkomenda Sturlunga.

Svo kemurður heim að ári
fullur af erlendri speki
en hér vantar tólin og tækin
og réttu vandamálin.
Þú ert menntaður vel og virtur,
boðinn og búinn til veislu
en þú grófst þeim gröf sem trúðu
á nýtt og betra líf.
Þú skilur, þú skilur, þú skilur,
þú skilur, þú skilur, þú skilur – þú afkomandi Sturlunga.
Hvort aka hetjur um Hringbraut.

[af plötunni Spilverk þjóðanna – Sturla]