Tipp topp

Tipp topp
(Lag / texti: Svavar Pétur Eysteinsson)

Seint um kvöld ég ranka við mér úr rotinu.
Það er enginn heima, ég er aleinn í kotinu.
Má ég fá mér púðursykur og rjóma?
Ekki fella dóma, ekki kalla mig róna.

Sé glitta í skottið á þér niðri á Hlölla.
Hvað ertu að gera? Ertu að detta í slölla
við eitthvað gerpi sem á ekkert gott skilið?
Ég þarf að tala við þig, minnka aðeins bilið.

Ég get verið alveg fáránlega hress
en ég get verið viðbjóðslega leiður líka.
Hvort er mikilvægara að vera hress og góður í bólinu,
alveg í tipp topp standi í tólinu.

Þegar kemur að leiðarlokum í lífinu og við gefumst bræði upp á stritinu og stríðinu.
Játum okkur sigruð, leggjum spilin á borðið.
Tölum loksins saman eins og fullorðin.

Þá kemur eitt og annað upp úr krafsinu
eins og hver gerði betur í uppvaskinu.
En sá vægir sem vitið hefur meira.
Ég gerði helling en þú gerðir fleira.
 
[af plötunni Prins Póló – Sorrí]