Hip hop dúettinn Sækópah var afsprengi þeirra bræðra Erps (Blaz Roca) og Eyjólfs (Sesar A) Eyvindarsona en þeir ku hafa starfrækt dúettinn á síðari hluta tíunda áratugar síðustu aldar, hugsanlega á árunum 1995-98.

Sækópah var endurvakinn árið 2002 til að vera með á hip hop safnplötunni Rímnamín og komu þeir bræður eitthvað fram opinberlega í tilefni af því.

Óskað er eftir frekari upplýsingum um starfstíma Sækópah og annað sem kynni að þykja við hæfi í umfjöllun um sveitina.