Glatkistan óskar eftir upplýsingum um sönghóp stúlkna í Kópavoginum (líklega á gagnfræðaskólaaldri) sem kom fram að öllum líkindum í nokkur skipti opinberlega um miðbik sjöunda áratugar síðustu aldar undir nafninu Skruggurnar.

Ekki liggur fyrir hversu stór sönghópurinn var en hér er giskað á kvartett eða kvintett, Svanfríður Jónasdóttir (síðar alþingiskona og bæjarfulltrúi) gæti hafa verið einn meðlima hópsins en aðrar upplýsingar er ekki að finna um Skruggurnar.