Afmælisbörn 24. júní 2018

Þorgils Björgvinsson

Tvö afmælisbörn eru á skrá Glatkistunnar í dag:

Gunnar (Bergmann) Ragnarsson á tuttugu og ní ára afmæli á þessum degi. Gunnar er söngvari hljómsveitarinnar Grísalappalísu sem hefur vakið athygli undanfarið fyrir tónlist sína en margir muna einnig eftir Gunnari sem söngvara í Jakobínurínu sem sigraði Músíktilraunir 2005. Sú sveit hugði á landvinninga, fékk plötusamning erlendis en sneri heim og hætti 2009. Gunnar hefur lagt stund á nám í kvikmyndafræðum í Tékklandi og hefur Gríslalappalísa því legið í salti.

Þá á Þorgils Björgvinsson gítarleikari fjörutíu og sex ára afmæli í dag. Þekktasta hljómsveit Þorgils er Sniglabandið en hann hefur annars leikið með ógrynni þekktra og óþekktra hljómsveita frá unga aldri s.s. Tríói Jóns Leifssonar, Hvatberum, Sexmönnum, Lýsi, Royal og Foringjunum. Hann hefur ennfremur leyst af tímabundið í sveitum eins og Dans á rósum, Buff og Nýdanskri, auk þess sem gítarleik hans er að finna á fjölmörgum hljómplötum.

Auglýsingar