Ég skal syngja fyrir þig

Ég skal syngja fyrir þig
(Lag / texti: erlent lag / Jónas Friðrik)

Ég áði eina nótt en áfram stefnir leið.
Æ, geymum tregasár, ég aðeins tafði hér um skeið.
En ég er maður sviðs og söngva.
Og ég syng þar sem menn borga.
Ég er ráðinn annars staðar annað kvöld.

Ég fæ kannski ekki fé um of, né frægðar hárrar nýt,
en ég valdi forðum veg, þennan veg ég ganga hlýt.
Svo ef getur skaltu gleyma,
vera glöð og reyna‘ að dreyma
að hamingja og ást þín bíði enn.

Viðlag
En þegar ástarsöngva syng ég,
skal ég syngja fyrir þig.
Hvað sem aðrir í þeim finna
átt þú ein að skilja mig.
Yfir fullan sal af fólki,
þar sem freyðir gullið vín,
gegnum haf af hundrað brosum
mun ég horfa‘ í augu þín.

Það kemur ætíð kveðjustund. Ég kvatt hef fyrr en nú.
Því áfram liggur leið – og þá leið ei ratar þú.
Það mundi seinna svíða meira,
við mundum seinna skemma fleira,
svo vertu sæl, ég verð að fara nú.

Viðlag

[m.a. á plötunni Björgvin Halldórsson – Eina ósk]

Auglýsingar