Vera Roth (1963-)

Vera Roth

Vera Roth kvikmyndagerðar- og myndlistamaður (fædd 1963) gaf út árið 1979 nokkuð sérstæða plötu hjá útgáfufyrirtæki fjölskyldunnar Roth‘s Verlag, líkt og fleiri í fjölskyldunni hafa gert bæði fyrr og síðar.

Vera var aðeins sextán ára þegar platan kom út en innihald hennar var „einfaldlega píanóglamur eftir Veru og upptaka af henni og Dieter að kjafta saman”, eins og það var orðað í Pressunni árið 1994.

Platan hlaut litla athygli og engin umfjöllun um hana birtist í fjölmiðlum á þeim tíma. Upplag hennar var þrjú hundruð eintök en hún þykir afar fágætur dýrgripur.

Efni á plötum