Afmælisbörn 18. apríl 2019

Jóhann Möller

Í dag eru tvö afmælisbörn á lista Glatkistunnar:

Söngkonan Salka Sól Eyfeld (Hjálmarsdóttir) er þrjátíu og eins árs gömul á þessum ágæta degi. Sölku Sól þekkja flestir en hún er eins og kunnugt er önnur söngkvenna Amabadama og ein Reykjavíkurdætra og Tazmaníu-liða. Salka Sól var einnig í hljómsveitunum Skonsunum og Útidúr og hefur í þeim sveitum leikið á hin ýmsustu hljóðfæri, hún hefur ennfremur starfað við leikhústónlist og dagskrárgerð í útvarpi og sjónvarpi.

Þá hefði Jóhann Möller söngvari einnig átt afmæli í dag en hann lést árið 2018. Jóhann var fæddur 1934 og var af fyrstu kynslóð dægurlagasöngvara hérlendis en fjögur lög á tveimur plötum komu út með honum áður en hann dró sig í hlé frá söngnum, þeirra á meðal var að finna lagið Pabbi vill mambó en það heyrist stöku sinnum enn spilað í útvarpi.